Ba cuqobe casye dsim qtil 12 marıhbone bu athro du Iraq

A hayle du gayso du Iraq camu koalisyon Emwothoyo mawdaclın, dımşarelın cuqobe casye mqabıl da ğrobe marhıbone d’Dacış bu Iraq.

 Bi mawdconutho dhiwo calu şuroyo da cuqobani makıd, qtil 12 marhıbone u mahrıw dukotho mşahılfotho du tukoso.

 Bi mawdconutho dhiwole u rabhaylawotho Iraqoyo Abdul Amir Alşammari dkıtyo u mdabrono di hamle da 3 dımabdiyo mşawtıfo beyn da hayle du athro udu koalisyon Emwothoyo, mawdıc dıqtilın 12 marhıbone d’Dacış ba turone da Karaçox dkıtne qariwe li mditho d’Maxmur bu garbyo du athro.

İ hamlathe dmabıdyo yawme d’Huşabo dı şafıcina, u nişayda dmandıfi a krılyotho ğnize da marhıbone dkıtne ba fınyotho d’Sallahaddin, Diyala, Samara, Kerxeslox u hedoraye. Lfuth i mawdconutho dhiwo, i hamlathe gdımdawmo hol dmitandıfi an arcotho da fınyothani du athro, ma marhıbone d’Dacış.