Bı gedşo di radeyto dhawi Jemila Akguç mwayacla ahayeyda

Bı gedşo mayiro dhawi b’Paramus d’Amerika, mvayacla Jemila Akguç a hayayda.

 U gedşo mayirano di mhasayto Jemila Akguç, fris bu tboco froso di mditho u mawdıc dkıtwa athto ğalabe hanınto u masırto bi haymonuthayda i Mşihoyto.

Dafe frişe du tboco froso di mditho d’Paramus d’Amerika, frıslın duktho rwıhto calu gedşo di radoyto dmafıtla Jemila Akguç dkıtwe cımra 61 eşne uhdo ma bnotho du camaydan. Hıdo ma dafe mırla; İ mhasayto, malaxto dkıtwola lebo du dhawowa, mhaymanto u hanıntowa.

İmhasayto mafıtla u gedşo mayirano b’Fair Lawn b’Paramus u kmisım taxmin, dkit dhawi şwolo mede bu hulmonayda meqım mıd i radoytayda dkıtwe Jeep nafiq mu kontrol u stir b’camudo du telefon u bıthır b’dawmo.

İ mhasayto dkıtwa lhuda bi radoyto, baroyo mvayacla a hayayda. Calu gedşanoste a mşale di mditho mabdelın buhono. İ mhasayto Jemila Akguç dkıtwa rahımto du camayda, sanıdtowaste lu froshezwo d’Suroyotv.