Bi maqıblonutho dsim cam Evgil Türker mahkele bı rwihutho calu sayfo da 1915 dsim calu camaydan

Bi maqıblonutho dsimo camu rişono du Federasyon da Hudre Suryoye d’Turkiya Evgil Türker, mahkele b’rwihutho calu Sayfo dsim calu cameydan mi mamlaxtho Cuthmanoyto bu zabno du qrobo qamoyo dbritho.

Türker mırle; Ahna kubcina şubqono u mawdyonutho bu Sayfo, latna bıthre dmitahwelan tazminat.

Bi maqıblonutho dfriso bu tbocofroso d’Turkiya u rişono du Federasyo kımahke b’rwihutho u husrono dhule u Sayfo calu cameydan, udu qolğensano kımdawım hol adyawma bşıklat mşahılfe bi dişutho dıkmisımm acle. Mawxa’ste adyawma inaqla dhayrina bu mınyono du cameydan dfayış b’Turabdin-u qlimo da Suryoye, nahıt l’5 alfo farsufe.

Turker kımahke aydarbo u cameydan qtil u bıthır’ste hın mene jbir dımgalwe ma dukothayde, wu mede dfayış’ste mahıt madatho acle xıd msombrişo wa dyoşani mdawamlın hol du camaydan jbir dmaxle u athreyde. U rişono du Federasyo da hudre Suryoye Ewgil Turker komır; U cameydan kull şato bu yawmano ksoyım u duxrono du qtolğensano dbu leşoneydan u Suryoyo kmitamarle Sayfo.

Turker komır; U Sayfono hawi bu zabno di mamlaxto da Cuthmanoye elo u şroyo du qetro du Sayfo u muhatabeyda Turkiya’yo, mawxa ahne kımmina leşan Turkiya dımhalqo dawsat du şlomo klozım dmawdyo bu Sayfo. Ahna kubcina şubqono u mawdyonutho-latna bıthre d’tazminate aw zuze.

U camo Suroyo hol adyawma lıkmitaqbıl barmothoyo bu darğo qamoyo mıqa du nomuso esonoyo dkibe şawyutho la bnaymothoye kulle, u hathe masırto’yo bi lo mawdyonutho d’Turkiya bu Sayfo. Bi maqıblonuthathe dkıtyo yarıxto, u rişono du SÜDEF komır; İnaqla d’Turkiya dlo tulbo şubqono, layba dorşo u dactid du camo Suryoyo, bebzabno en dlowela ytawyotho cama Kurdoye-layba dşuryo u qethrathe u hawxa da came kulle.