22/03/2021

Biden sımle u mamleyde u qamoyo bhaq d’Turkiya

U rişono d’Amerika Jo Biden sımle u mamleyde u qamoyo bhaq d’Turkiya dhani zabno u rişqutnayda Recep Tayip  Erdoğan notarwo dhowele esore acme.

Bu mamlo dsımle Biaden sımle sturyo qaşyo Turkiye dı nafiqo mu qyomo d’Stambıl dkıtwe masıtrono da zedqe noşye da Neşe.

Bıthır mıd u rişono d’Amerika mnaqewo ışqath mşarewole dsoyım mamle u esore cam hın ma rişone d’Athrawotho mşahılfe dkıtne mutafiq du athro d’Amerika, elo camu rişono d’Turkiya lawiwole esore mawxa ste u tboco froso d’Turkiya mşarewole dı dorış qay Biden lawilwe esore cam Erdoğan, u bhın ma maqırhonwotho dsanwo Erdoğan ste mahwewo dıg notır hawxa esore.

Bıthır me ntarto d’5 yarhe u rişono d’Amerika Jo biden hule i maqırhonutheyde inaqa qamyto bhaq d’Turkiye dmırle latno thnihoyo u latyo mede dkibe mitaqbıl u nfoqo d’Turkiya mu qyomo dkıtyo ışme Stambıl dkımdafıc a zedqe noşoye da Neşe.

Biden bu mamleyde mırle hathe dawse mwaxartoyo dıkmihalqo mqabıl da zedqe noşoye da neşe baynothemwothoyith.

Biden mırle u dcoroa d’Turkiya kothe bu zabno dkıtna sohdude du cnufyo wu qatlo da neşe dıksoyuıb b’Turkiya  kowe tworo d’Sabro rabo, u kobe rımzo dsaydo i bişutho dımqabıl da Neşe.

Me gabo hreno bıthır ma mamle u hfuxe dmahwe me athrawotho mşahılfe u myodo du rişono di banka qentrunoyto du athro a zuze d’Turkiya mazcaflın bha yawmo 17 bamo mqabıl du Dollar u du yuro.

Bu şıklano ha dollar hawi 7, 90 kurşe u ha ewro hawi 9 , u 42 kurşe hull u zabno dımtaybiwene a tebe d’Adyoma dakbar ucdo bu zabno dıg qorina atbe u Dollar wu Ewro zayidi sıttır mqabıl di Lira d’Turkiya.

Lfuth i mawdconutho dkitho Turkiya masrafla a zuze dkıtwola la yawme qome mawxa ste u iqoro di xazina du athro lı fayışla iqoro wa tagore baroye latlın tuxlono bi tagorutho du athro u be bzabno a athrawotho dkıtlın tagorutho cam Turkiya knoqıs u sabro dkıtlın bu ekonomi du athro mawxste mıqa dkotho a zuze du athro d’Turkiya kımfayci mu timathe.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…