Bnay Bethnahrin mhaydarlın taglitho mşawtafto leşan u duxrono du Sayfo
A gabe u şutose du cameydan dkıtne bi mdito d’Jönşöping du Swed mhaydalın taglitho mşawtafto leşan u duxrono du Sayfo dsim calu camaydan bi şato dan 1915. Bi dawse dımhalqo me hın farsufe mu cameydan dmahatte u ışmo du nawlathe Bnay Bethnahrin, mhalqo i dawsathe di taglitho du Sayfo.
JÖNKÖPİNG, Swed — Ramhıl yawme d’Huşabo bi şoctho ba şeth d’ramşo, u camaydan dıkhoye bi mdito d’Jönşöping, gıdmhalıx bi taglitho dımtaybo lu Sayfo, ma şutose u gabe folitiqoye, marduthoye u tawdithoye du cameydan dkıtne bi mdito.
U ltomo di taglithathe, gıdhowe b’Hovrettstorget u bıthır gıdmitalıx holu Park dkıtyo ışme Rodhusparken. İ tarmithathe mşarele bu renyo dhın farsufe ma abne du cameydan dımahatlın ışme du nawlathe Bnay Bethnahrin.
U nişathe’ste dsaymi fulhone mşahılfe camhıdode u dımşatsi plattform ma şutose u tukose u gabe du cameydan’yo. Bu mamlo dhawilan acmaye, sımlın qrayto lu cameydan ba ışmoneyde kulle, dhodır u mahwe i klaytayde bi taglitho du Sayfo u bebzabno dmıftıh u darbo di awyutho da şutose du cameydan.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
