B’Turkiya a citotho lıkmınfaqe moro

B’Turkiya a citotho da came mşihoye Suryoye, Armınoye u Yawnoye kmılhoyi, kmitahrıwi lıkmınfaqe moro.

 A citotho cıl mıd kit fusqono dmisım u duyoqathe kmıshofi u kmisım hjome u haqarat aclaye.

Doyçe Welle dkıtyo dafo Almanoyto da tebe frısla tebo dıkgırşo u zuhoro cala citotho dlıkmınfaqe moro b’Turkiya, ubi sbuthathe a qonune dkito bu nomuso esonoyo du athro lıkmitanhıti la haye.

Bu tebo kmişalıt bahro ba zabne haroyani dhın citotho dıkmitahti lu zbono bu darbo du nawlo mu taraf dhın farsufe. Hdo ma citothani i cito Suryoyto d’Mor Yuhanun d’Mırde’yo. Bcayni zabno kito citotho Armınoye ba zabne haroyani dmahti lu zbono, hdo cito shifo kulonoyo, cito makthabzabnoyto dlıkmınfaqla moro dıkmibaşıl basro biya me hın farsufe.

U tebo dıkmahke calu mede dıkmisım ba citotho da came mşihoye b’Turkiya kmawdıcste, a fusqone di dawle kıthwi kul duktho tawdithoyto klozım dmisım u sutorayda. Elo u medano lıkmitanhıt la haye leşan a citotho dkıtne bı mdinotho mşahılfotho du athro

Me gabo hreno kmitawdıc Rudi Sayat Pulatyan dıksoyım buhone bu haqlo di yurtutho marduthoyto bu Waqıf d’Hrand Dink komır “a citotho xıda jwemıc latne mulk dfarsufe. Elo adyawma b’Turkiya hın farsufe kibe dhowelın citotho u kibın hani dmahtilın lu zebono. İ naqa dmisım tagorutho lo qonunoyto da athare makthabzabnoye, laybe dsaymitu iclan dımmitu ksamno mede lo qonunoyo. Elo leşan da citotho latyo bu şıkılano. U farsufo kwele tapo. Kfayşle i cito ya mu jıddo yasate me noşo hreno”

Kito citotho rabe elo bılnude fayış mınayye 4 şurone. Ha lı qodır dmıtyaqın u bınyonano di cito meqım mın şıkılwe u bıthır mın fayış mene. Me gabo hreno mu şutoso di hirutho tawdithoyto Dr. Mine Yıldırım’ste mawdacla, kmisım hjome cala citotho, kmıkthu kthawyotho du gzomo du tehdit, udi haqara cala şuronaththe wu medano kzoyıd bu zabno du cedo du mawlodo. Bcayni zabno kmisım hşome cala bethqbure da mşihoyeste.