Cimad Jajo mcaqable a fulhone du telifo u i aykanoyutho da madraşyotho

Taşdarto bi rişonutho du mdabrono gawonoyo du yulfono Suryoyo bi wazirutho di tarbitho Cimad Salım Jajo, sımlın socurutho li fnitho Zamar dkıtyo bu garbyo d’Ninwe.

 Bi socuruthathe mcaqablın a fulhone du tewlifo, amkone dkito ba madraşyotho u bebzabno hzelın me qariwo i aykanoyutho du yulfono.

 Ba yawmotho dı şafıcina, i taşdarto dkıtwa mşakalto mu mdabrono gawonoyo du yulfono Suryoyo bi wazirutho di tarbitho du Iraq Cimad Salım Jajo, u mdabrono gawonoyo di tarbitho d’Ninwe Yusuf Faraj Alsabcawi sımlın socurutho li qentronutho da buhrone dkıtyo b’Zamar bi hiğmonutho d’Ninwe.

Bi socuruthathe hzelın me qariwo amkone dkito ba qeloyotho da buhrone, wa mkone dkito la yolufe wu dilonoyith dmihafdi a zedqe da yolufe. Bebzabno kalın cala tedbire dkito leşan u kewo di Corona dıkmibarbız bu Iraq b’surhobo.

Bi socuruthathe u mdabrono gawonoyo du yulfono du leşono Suryoyo mşayele cala mkone wa sniqwotho dıkluzmi leşan u yulfono bu zabnano du kewo di Corona.