Claymo hreno mu camaydan qtil bu Swed
Claymo hreno mu camaydan d’Södertelje du Swed, qtil. U claymo dkıtwe cımre 21 eşne, qtil bu zabno dazzewo lu qabro du ahuno ba bethqbure di karxutho. İ hotho du qtiloyo mawdacla, du claymo azzewo la bethqbure leşan dmathkır u ahunathe dqtılwo meqım şeth eşne.
Södertälje, Swed – A hçome zaynoye wa qatle zayidi bu Swed ba eşne haroyani wu tbocofroso du athro kımawdıc, du mınyono da qtiloye ba kmo yarhe qamoye di şatathe-rekord celoyo’yo u hatta b’dukotho, kmibahıs-b’mordpatruller, awkith ğrobe du qatlo dıksaymi a hawbani mqabıl d’zuze yaste leşan dmahwın ruhaye masre bu ğrob.
A qatlani’ste bu zyodo hawın hedor a mdinotho rabe du Swed. Bu şıkılano’ste yawme d’Huşabo d’şafıcina, hawi u claymo dqtil athmil u farsufo da 20 dıkmıqtıl belhude adşato. U claymo 21 eşnewa uman abne du camaydan d’ Södertälje, Swed’we u qtil bu zabno dazze la bethqbure lqum du qabro du ahunayde dqtılwo meqım 6 eşne.
İ hotho du qtiloyo dkıtyo 26 eşne kımawdıco, dımvayacla 2 ahunone u 2 holone lu cnufyano da zayne. I hotho mırla lu tbocofroso du Swed; “Ahuni latyo belhude numara hreto da qtiloye. Claymo towo’we u kıtwole dactith yarixo qume. Bu qayto gıdmkamalwo u yulfonayde u gıdmşarewo bu cwodo-elo a hayayde hthimi xayifo.”
U alarm du qolo du zayno şmic ba şoce du lalyo, elo b’safrayto mqafe u qtiloyo b’buğro daxile b’rişe. U mede dıkgorış u zuhoro’ste, du polis walaw mıstacmele kalbe u tayosto dlo pilot leşan dkorıx calu claymo-lo mqafewole u farsufo hreno mxabarwole u polis dkıtwo dha qtiloyo bi dırtayde. U polis mabdele buhone, elo heş latne lo a qatole du ahunayde u loste du claymo idice.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
