Claymutho Cıraqoyto mabdela tarmitho du mahduro leşan u tendifo da sforyame du nahro d’Deqlath

U qrobo bu Cıraq tayım, elo u camo kıloqe ucdo b’gzomo hreno rabo u hano’ste u qetro du şuhlofo du kyono’yo u acme’ste u semomo da maye udi hawa mcal fothe da calcole du qum udu zawlo dıkmihalıq ba zabuqone uba nahre du athro.

Calathe hol 200 clayme u claymotho mıstabyone mabdelın tarmitho b’Boğdod, leşan u tendifo da sforyamo du nahro d’Deqlath. U hathe inaqla qamayto’yo bıthır mu nfolo du rişono catiqo Saddam Hussein, dıkmisım hawxa tarmitho leşan u tendifo du mahduro udu nahro’yo.

Bi tarmithathe, malım plastic uğer zawlo dımhalıq bu nahrano-dxlıqle i mdinoyutho d’Bethnahrin. I claymutho mırla; Lebayna kıkoyiw inaqla dıkhozina u zawlano dımhalıq bu nahro. Ahna kubcina dımşahlıfina i şroruthathe u dsaymina naqla hreto i mditaydan şafırto.

Me gabo hreno, i bsirutho da maye bu Cıraq ubu qlimo d’Kurdistan matyo l’aykanoyutho d’qento, mcal fothe da masxore dıbnele u İran, dhawın celtho dnuqso i kmoyutho da maye. Mathlo du medano, u masxoro d’Alwan b’Diyala dkıtle 38 milyone kubik metre d’maye, naqisi ğalabe bıthır mıd u İran hani 10 yawme manqasle u xyoro da maye lu Cıraq.

Ba 30 eşne haroyani, bnele u İran hol 600 masxore dqtıclın u xyoro da maye dmotın bşıkıl makfiyono lu Cıraq.  Elo camgabe du İran, a masxore dıbnela Turkiya’ste calu nahro d’Deqlath, manqaslın u xyoro da maye lıgawe du Cıraq u l’Suriya. Cal naşifuthathe dkowe, u camo lıkqodır d’zorıc an arcothayde.