17/01/2021

Dalale dkıtwa msıkto b’Turkiya daciro lu baytayda

İ cleymtho Dalale Nitro dkıtwa mvayacto mu yarho dı Hzirın dşafıcina mqafyo u daciro lu baytayda.

 Mawdıc i Dalale msikowa mu istixbarat ğnizo d’Turkiya u MİT,  msikowa bdıktho la idıcto, bıthır mıdımşayıl acla tıryo hırto u daciro lu baytayda.

Bi maqırhonutho dfriso mu grub dkomır ruhe a Mawtbe du camo Suryoyo b’Urifi mawdıc, di hawraththe Dalale Nitro tıryo hırto u daciro lu baytayda u ucdo ba bethkrihe’yo. Lfuth i mawdıconutho dfriso, i iqartho di Dalale maqrahla di barthathe hzela cnufyo di nafşo udu guşmo u teşniqe mu polis Turkoyo u makivo ğalabe, mawxa lo qudro dmıjğolo.

Bi maqırhonutho dfriso kmiqadım tawdyotho lkul farsufo dhawi sanodo leşan di Dalale dmitaxlıso. Dalale Nitro, cleymtho mu camaydan dıqqıryowa bi bethsawbo d’Hamburg d’Almanya bu fırco du huquq, hadımto aktif ba Mawtbe du camo Suryoyo b’Urifi’yo u fılhowa xıd gelyunorto.

İ Dalale 22 bu yarho d’Hziron da 2020 nafiqowa lu darbo leşan dızza lu baytayda d’Mırde elo minaqayo lo mıdwo xabro mena, sıxriwo a dafayda du nawlo. A hawronayda sımwolın leşan dmiqafyo kampanya bğalabe leşone. Bıthır matiwolın xabro di Dalale hızyowa bu bethtawso dı Stanbul cam polis Turkoyo u farsufo hreno.

Mawdıcste a qawmonoye aktivist d’Turkiya mawfaqwolın li holo bu darbo du siber, i Dalale ma fulhone di gelyunoro dıksaymowa msiko mu MİT d’Turkiya bu bethtawso d’Stanbul u mawbılo l’duktho ğnısto. Bcayni zabno a mawtbe du camo Suryoyo d’Urifi kmawdıci lfuth d’fusqono du bethdino d’Turkiya a dafathe du nawlo mahıt manıciye aclaye b’Turkiya.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…