Darimsuq rfidla I qroyto d’ Erdoğan dmitarkıw qlimo mşayno bu garbyo d’Suriya

Bi maqırhonutho dhiwo athmıl mu rejim du rişathro d’Suriya Başar al Asad, rfido i qroyto du rişqutno Turkoyo Erdoğan leşan u garbyo d’Suriya dmitarkıw xıd qlimo mşayno. Lfuth u rejim; Hathe maqırhonutho raxis’yo u kımaglıyo cali siyase qşitho d’mdabronutho dıkmaşyo metode lo noşoye.

U funoyano di şultonutho d’Darımsuq athi lu huwoyo kmo yawme bıthır mıd Erdoğan sımle qroyto la hadome du NATO d’sundi a fulhone d’Turkiya leşan u terkiwo d’qlimo mşayno cala thumathe dcam Suriya leşan u snodo da galwoye u dmi’amno i mşaynutho du thumo du taymno du athro.

Darımsuq mırla’ste; U rejim d’Turkiya kımdawım dhowe falqo da krize udi xiyene dıkmisomo cal Suriya udi mudaxalayda l’tarmıyotho dkıtne belhude lu yuthrono da nişayda. U terkiwo dhawxa qlimo, latyo lu hefodo da thume dbeyn Suriya u Turkiya, elo leşan kboşo u mıştacmıronutho’yo.

U rejim d’Suriya mırle; İ mıcne d’Erdoğan bu qlimo mşayno-qşoco etnikoyo’yo u terkiwo d’qlimo leşan u tuyobo d’plan marhıbono calu camo d’Suriya’yo. Calathe kısaymina qroyto lu kenşo Emwothoyo dlo folıh cam Erdoğan bi sbutho dan arcotho d’athro hreno bnişo dmote la nişayde-dgıdowelın tathire mrimone rabe cali mşaynutho, calu şlomo uli nihutho du qlimo u dbritho kula.