d’Austuria d’Presse, sımla maqıblonutho cami rişonitho zawgoyto du mawtbo di Gozarto d’Bethnahrin Nazira Gawriye

İ rişonitho zawgoyto du mawtbo di Gozarto d’Bethnahrin Nazira Gawriye laqyo ba mothonoye d’Vienna d’Austuria.

 Bu zabno di rişonitho dkıtwo b’Austuria, i sfaryawmo rabtho du athro sımla maqıblonutho acma leşan dmahkiyo cala talabe du cameydan du athro dan abohotho.

 İ rişonitho zawgoyto du Mawtbo di Gozarto d’Bethnahrin Nazira Gawriye dsımwola socurutho l’Finlanda leşan esore cami şultonutho, fayitowa bıthır lu athro d’Austuria.

Bi socuruthathe, laqyo u camaydan wa mothonoye d’ESU dkıtwın hadire u mahkelalın cali aykanoyutho harayto du athro wa şuşote dkowın bu athro ubi Gozarto d’Bethnahrin. Bıthır mi mawdconutho dhula, a hadire mşayelın a şuwolathe u kalın dilonoyith cala kboşe dsımla i şultronutho d’Erdoğan Turkiya calu garbay madınho d’Suriya.

Bıthır mi lqayto dcama mothonoye i sfaryawmo rabtho d’Austuria d’Presse, sımla maqıblonutho cami rişonitho zawgoyto du mawtbo di Gozarto d’Bethnahrin Nazira Gawriye dmahkela cala talabe dkıtle u camo Suryoyo Othuroyo man athrawotho d’Urifi, u bebzabno mahkela cala şuşote dkowın bu athro.