Dayroyto Sayde nqilo ma hayani

Dayrayto Sayde Ato dmawlıdowa bi şato da 1941 bi qritho d’Mizizah d’Turcabdin nqilo ma hayani a zabnoye yawme dhuşabo 10 bu yarho d’İyor bi dayro d’Mor Afrem dkıtyo b’Hollanda.  İ mnohto dkıtyo i hotho d’Abuna dayroyo Eliyo masırhowa dayrayto bi şato da 1964 bi dayro d’Mor Gabriel me idotho du efetrufo d’Turcabdin Mor İyawinis Afrem Bilgiç.

Dayroyto Sayde hawyo dayrayto da tarte dı masırho dayroyto li cito Suryoyto Ortodoksoyto bıthır mu Sayfo di şato da 1915, i dayrayto qamayto dı masırho bıthır mu Sayfo dayrayto Maryamyo.

İ dayrayto Sayde bıthır mıd masırhowa dayroyto bi dayro d’Mor Gabriyel mşarewola dımşamşo i dayroyutheyda bi dayro d’Mor Gabriyel hul li şato da 1957 dımgalwewola la arcotho mqadşe d’Ureşlem camu ahuneyda abuna dayroyo Eliyo.

İ mnohto di dayroyto camu ahuneyda dayroyo Eliyo mqadamlın teşmeşto di cınwoyuıtho hul li şato da 1979 dımşatso i marcitho d’Urifi i mıscoyto b’Hollanda dhawiwo u mqomeyda bi cito d’Mor Yuahanun b’Hengelo, hıze sniqutho datre othın l’Hollanda u demşamşi i marcitho d’Urifi i mıscoyto.

U bıthır mıd zwinowa i dayro d’Mor Afrem bi rişonutho du mnohnafşo Mor Yuliyos Yeşuc Cicek rakwowa bi dayrathe u xdımla i dayro hul lu yawmo du şunoyeyda.

İ mnohto hawila tacbo rabo qumi cito Suryoyto ortoduksoyto dındırwola a hayeyda li teşmeşteyda xıd dayroyto.

Ramhıl yawme dı tlotho i şoctho bi hıdo bıthır me falge d’yawmo gıdmisim u cufoyeyda di mnohto bi dayro d’Mor Afrem d’Hollanda dı xdımla eba hul dınqilo ma hayani a zabnoye.