Driş u kriz dkito bu athro d’Suriya

Mısır, i Scudiye, a İmarat Caraboye Mhayde u Yurdnon, drışlın i aykanoyutho harayto du qrobo gawoyo d’Suriya wa mkone du şroyo du krizayde.

 Bi mawdconutho dı friso bi dafo du makthıbo di wazirutho di baroyutho d’Mısır  mawdıc, bu knuşyano kleste cal aydarbo kibe dmihafıd cali ithutho Caraboyto d’Suriya u cala zedqe da bnaymothayayda.

Lfuth i maqırhonutho dıfriso mu makthıbo di wazirutho di baroyutho d’Mısır, mşale bıdarğo celoyo da wazirwotho di baroyutho danathrawotho d’Mısır, di Scudiye, da İmarat Caraboye Mhayde u d’Yurdnon drışlın i aykanoyutho harayto du qrobo gawoyo d’Suriya wa mkone du şroyo du krizayde dıkmdawım ma 2011 u holucdo.

Mawdıc bu knuşyano, kleste cala mkone du hefodo di ithutho Caraboyto d’Suriya u cala zedqe da came du athro. A mşale dan 4 athrawotho, drışlın a renye du şroyo du krizano bu taro di rmoyto du Mawtbo di Mşaynutho d’Emwotho Mhaydotho da 2254, leşan u huyodo wi mlahmonutho da thume d’Suriya.

Bebzabno bu knuşyano dsim athmıl bu darbo du nawlo, drişste aydarbo kibe dmitaqwın a fulhone leşan u hefodo d’Suriya mqabıl da şuhlofe demoğrafoye dıkmibıc dmisım bu athro. Bu şuroyo du yarhano krıhwole Mısır a plane du şuhlofo demoğrafoyo dıkmisomi bu hboso b’Suriya u kaliwo cali sniqutho du maşıqlo folitiqoyo leşan dmıkle qum da tukose marhıbone wu nqolathe me Suriya lğer dukotho.