12/04/2021

ESU hawile esore cam folitiqore du Huyodo d’Urifi cali sbutho dı dayroyo Aho Bilecen

Bu slogan; Kıtulbina hirutho lu dayroyo Aho Sefer Bilecen, gabe u şutose du cameydan mtayablın kampanya da imdat, leşan dsaymi hboso cali şultonutho d’Turkiya dmaqimo u thomo dkito mqabıl du dayroyo Aho  Bilecen.

Bebzabno u Huyodo Suroyo d’Urifi hawile esore cam folitiqore du Huyodo d’Urifi cali sbuthathe du dayroyo wu gıdmtayıb taklitho qum du bınyono du Huyodo d’Urifi b’Bruksel.

A gabe u şutose du cameydan, mabdelın kampnaya da imdat mqabıl di şultonutho d’Turkiya bnişo dmaqimo u fusqono dmıdle u bethdino mqabıl d’Abuna dayroyo Aho Bilecen-u kohno di dayro d’Mor Yahkub d’Qarno bu turo d’İzlo.

Bi maqırhonutho di kampanyathe kmitamır; Dayroyo Aho Sefer Bilecen msıkwo 1 bu yarho d’İlül da 2020 ma thome du snodo di marhıbonutho  b’Turabdin dkıtyo bu madınho d’Turkiya 7 bu yarhano d’Nison’ste hkim-bi lo ituthayde bu bethdino, l’2 eşne u yarho hbuşyo. U hawbo dıkmidace dsımle, dhuwle bu qayto da 2018 lahmo u maye l’2 farsufe dlatwa i hiyoyuthathe idıcto u bıthır m’akıd dkıtwın gerilla di PKK-dkıtyo mnıcto b’Turkiya. Ahna ktulbina mi şultonutho d’Turkiya dmarfıyo u dmaqimo a thomani mqabıl du dayroyo-dsımwole harake lfuth a timoyothp di mşihoyutho dkıtyo u xadomeyda u dhuwole lahmo u maye la 2 farsufani.

A mtaybone di egartho di kampanyathe’ste hanine;

Lars Adaktusson, qoyumo da Mşihoye Demoqratoye du Swed.

Kano Suryoyo b’Almanya

I cito d’Mor Yahkub da Sruğ d’Göppingen

I cito d’Mor d’Mor Afrem u Mor Theodoros d’Giessen

I cito d’Mor Eliyo d’Polheim

Huyodo Suryoyo d’Almanya (HSA)

Suryoye-Deutscher Verein Giessen e.V.

U Huyodo du quyomo da qıryawotho d’Turabdin(DETA)

Platform Tur Abdin

Evangelische Kirchengemeinde Kirchhain

Clayme Suryoye

U Huyodo Suroyo d’Urifi (ESU)

A gabe wa şutose dmıştawtaflın li kampanyathe da imdat ksaymi qrayto lu cameydan dmodın i kampanyathe da imdat u be bzabno dımfarqila la dukotho dkdc u dıgmıtyo idaye.

Me gabo hreno u Huyodo Suroyo d’Urifi hawile esore cam qoyume du parlamento d’Urifi, u tlıble menaye dsaymi hboso cal Turkiya. Wu rişono zawgoyo d’ESU Fehmi Vergili mawdacle’ste, dgımtaybi taklitho qum du bınyono du Huyodo d’Urifi b’Bruksel leşan dmaşımci u hfuxyathe mqabıl du fusqono dmid bhaq du dayroyo wu teştcınyo bişo dsim acle.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…