ESU mabdela kampanya di mcadronutho la madraşyotho du cameydan dkıtne ba qıryawotho d’Turcabdin

U huyodo Suroyo d’Urifi ESU mabdela kampanya di mcadronutho dla madraşyotho du cameydan dkıtne ba qıryawotho d’Turcabdin.

Bi mawdconutho dıfrısle ESU ksoyım krayto lu cameydan D’Urifi dowın sanode bu momuno la madraşyotho laşan dmizwone a mlue dıklzmi lu telif odu leşono Suryoyo.

U huyodo d’Suroyo d’Urifi ESU bıthır mu lumodo dsımle ba yawmotho d’Şaficina mabdele kampanya dım cadır a madraşyotho du leşono Suryoyo dkıtne ba qıryawotho d’Turcabdin.

Bi kampanyathe dı madele ESU  ksoyım qrayto la abne du cameydan  dhowın sanode u dkobın mcadronwotho lu konto dıfrıslın laşan bıthır miswoni a sniqwotho da madraşyotho dkıtlın xıd Kthowe luhe qnayo kerke u xayr sniqwotho dıg mawdci a malfone dkıtne brişe da madraşyotho dkıtne b’Turcabdin.

Bi mawdconutho dmıdlan mu rişono Zawgoyo Fahmi Vergili mırle ba esore dıksaymina cama malfone da madraşyotho kule dkıtne b’Turcabdin  kımşaylinanın mın sniqwotho kıtlın laşan dsındinalın bınne.

ESU naqa hreto sımwole kampanya cama şutose hrene du cameydan dı zwınwolın makinat du tetfiye di nuro la qıryawotho du cameydan dkıtne b’Turcabdin.

Bi kampanyathe ESU kıbco dsındi u telif odu leşono Suryoyo bu athro laşan du leşono lo foşır.