U Institut d’Bethnahrin wi Cito Kaldoyto d’Bruksel Mor Aday mtayablın konfernas dı 8 Odor

BRUKSEL – U konferan dı 8 Odor dımtayıb 12 Odor bu salon di cito d’Mor Aday bi erışkayto d’Beljike bı Bruksel, mşarele bu mamlo dsımla i mqadmonitho du konferans bışmıd du İnstitu d’Bethnahrin Rahel Vergili.    

U kohno di cito Kaladoyto Musa Yaramış sımle mamlo cali athto bu makthabzabno di cito u mırle, “u zabno kmişawşıt, ahnaste xıd cito klozım dbena yuqro la mkone da neşe dhowın hfite ba fulhone tawdithoye du cameydan.”   

Bu konferansano mahwe u sinewizyon dıkmahke calu ağuno da neşe dı britho d’hulın bu makthabzano u calu ağuno da neşe du camaydan u Suryoyo – Kaldoyo – Othuroyo – Oromoyo dımtayıb me Suroyo TV.   

İ mathlonitho di Mtakasto da Neşe d’Bethnahrin du Iraq Ronak Hanna d’hadiro  b’Urifi mahkela cala fulhone di mtakasto u cala dawsat dımhalaqlın bgawe du ağuno di hirutho du cameydan dıkmitahwe bi rişonutho du Mawtbo Umthoyo d’Bethnahrin.   

Me gabo hreno i mathlonitho du Huyodo da Neşe Suryoye b’Suriya İlham Matle calu darbo du nawlo du internet mahkela cala şuşote dsımlın a neşe du cameydan u mawdacle da neşe du cameydan dmatın ldarğo dsaymi u sutoro du kenşo bi rişonutho Haylawotho du Sutoro da Neşe d’Bethnahrin HSNB, u mahkela dhınne xıd neşe bi Gozarto d’Bethnahrin mıdlın wolyotho mşahılfe ba fulhone du ağuno di hirutho du cameydan.   

İ mşalonitho du Huyodo da Neşe d’Bethnahrin HNB Şmuni Arsan bu mamlayda mahkela calu sıbyono hiro da neşe dımşatıs bi rişonutho du Mawtbo Umthoyo d’Bethnahrin u mırla “matina dhowelan şutose mşahılfe ba falqe du athro uba athrawotho d’Urifi, laşan dmaqwena u maclena a fulhone da neşe du cameydan.”   

Bıthır ma mamle dhawın hiw darbo la qnume d’hadiri bu konferansano dmatiwo u mınyonathe zıttır me 200 dımşayli şwole udın u renyaththe    

Lu konferansano dımtayabwo mu taraf du İnstitut d’Bethnahrin udi Cito Kaldoyto d’Bruksel Mor Adaq mıştawtafwolın sicotho da citotho d’Mor Czozoyel, Mor Yuhanun, Yoldathaloho umi Bethmardutho da Calawiye dı Bruksel.   

Camgabıd da sicothani taşdarto mi Mtakasto Othuroyoto Demoqaratoyto, u taşdarto mi Cito d’Mor Şamcun d’Zayte mıştawtaflın lu konferansano d’fayıt b’muzoğo tawo. Bu huthomo du konferans fris buyono du huthomo lu tbocofroso.