03/03/2023

U Slibo Suryoyo u Şlomo, bnelın bayto l’iqartho Mşihoyto dlatwola duktho du fyoşo.

Bi fnitho d’Antakya u Slibo Suryoyo wu Şlomo camu snodo du Federasyon da Hudre Suryoye, mtayablın tarmitho dsaymi bote la yaqrotho dıkhoyın ba radoyotho yaste tahte da khaymotho.

03/03/2023

TURKIYA – Ma yawmotho qamoye di zalzale dhawyo u Slibo Suryoyo wu Şlomo cami mcadronutho d’SUDEF mşarewolın dımşadri mcadronutho la mdinotho d’Antakya dıkhoye ebeye mınyono d’Mşihoye. Umu gabo d’Suriya’ste mşadarwo sictho dazza l’Holob uli Latiqiye leşan dmalhıqi i mcadronutho la sniqoye.  

Bıthır mıd mqadmi a mcadronwathani da muklone uda bataniyat u ğer, mşarelın dımşayli cal bote u dukotho du fyoşo du camo dhariwi a botathe. Bi mawdconutho dmatilan ma şutosani mawdaclın, dımşawşatlın tarmitho dsaymi bote d’qudri a yaqrotho dfayşi ebeye.  

Ucdo mabdelın a şutose du camaydan i tarmithathe bı bayto dmacmarlın l’iqartho, dıfsiho dqayıthla duktho dkiba dımkho eba. Bi mawdconutho dhule ha mi iqartho komır; “fsihoyena dhawilan ucdo bayto u knutrina dmisamlan bayto hreno ba yawmotho dıbqamutheyna. Kımqadmina tawdiyotho la şutose dıkımqadmilan i mcadronuthathe dkıtyo ulsoyto.”  

Bi mawdconutho dmıdlan ma mathlone da şutose du Slibo Suryoyo udı Şlomo mawdaclın dıkımdawmi dımcawni a sniqoye di zalzale u bebzabno gıdımnasın dımşawşıti i tarmithathe du syomo da bote zabnonoye hol dmitacmri a botathe. A şutose kımqadmi tawdiyotho lu camo dıkımdawım dsonıd a sniqoye di zalzale b’Turkiya u b’Suriya.