ESU mıştawtafle li taglitho dsimo bu athro d’Swisra mqabıl d’Turkiya

U Huyodo Suroyo d’Urifi-ESU mıştawtafle xıd awyutho li taglitho dımtaybo mqabıl da hjome dıksaymo Turkiya calan arcotho d’Suriya udu Iraq.

 I taglithathe dsimo b’Zurich d’Swisra, bi rişonutho di nuqazto du kenşo da came demoqratoye udu zawco da neşe Kurdoye, mıştawtaflela zıttır me 600 farsufe.

I taglithathe dımtaybo mqabıl da hjome dıksaymo Turkiya calan arcotho du garbyo u madınho d’Suriya u calu garbyo du Iraq, kowın celtho lu qatlo d’neşe u tloye u bebzabno kmahırwi a qıryawotho da came dkıtne ba thumani.

 Bi taglithathe dhawyo bi şuqo d’Zurich, mfarıq warqe di mawdconutho cala qatle wa hjome dıksaymo Turkiya cala came dan athrawotho şbobe. Bıthır mi taglitho dıltim b’Helvetiaplatz, sim mamle u krihi ahjome d’Turkiya u dkubco dmahırwo a dukothe da came dıkhoyın ebeye camıhdode.

 A hadome d’ESU’ste dmıştawtaflın litaglithathe, krıhlın a zawce wa hjome dıksaymo Turkiya mqabıl da came. Bu zabno haroyo Turkiya ba hjome dıksaymo calu garbyo du Iraq, kımaydo nişo a qıryawotho du camaydan dkıtne bu qlimo.