ESU u HNB mytayabe yowmo du duxrono du sayfo

Taşdarto mu huyodo Suroyo d’Urifi ESU u mu huyodo da neşe d’Bethnahrin HNB cam Suroyo tv sımlın u duxrono du sayfo qumi qoyumto du sayfo dkıtyo Polhaim d’Almanya.  Bu duxronano dsim mqadım mamlo mi mşalonitho di sicto d’ESU Wardo Rhawi cali mıcne du sayfo:

ESU u HNB cama sanode dkıtlın bi fnitho d’Giesin lfuth a qonune du kewo di Corona sımlın u yawmo şatonoyo du duxrono du sayfo dhawi calu cameydan  mu taraf di mamlaxtho Cuthmanoyto bi şato 1915.

A hadome da şutose cam hıdode sımlın socurutho li qoyumto du sayfo dkıtyo b’Polhaim d’Almanya dkıtyo i qoyumto ruşmoyto qamayto du sayfo dmaqimo bu athro d’Almanya.

U mathlono d’Suroyo tv Emanuel Malle sımle u futoho di hfitutho u qrele la hadire dkolın qatinto d’Şetqo cali ruho da sohde du Sayfo. U bıthır hiw u mamlo li mşalonitho du ferco d’ESU Wardo Rhawi dsımla mamlo cali mıcne du sayfo u kalyo calu yawmo şatonoyo du sayfo dıklozım kul şato misım mu taraf du cameydan.

Bıthır ma mele mqadım kafo d’warde cali ruho da sohde du sayfo u hul adyoma dhulın a hayathe laşan i hirutho du cameydan qumi qoyumto du Sayfo.

Bu huthomo Sarkis Tadaros mqadamle mimro cali mıcne du duxrono du Sayfo.