Ftiho I cito Arminoyto d’Mor Surp Giragos b’Sur d’Omid
İ cito d’Mor Surp Giragos dan Armnoye dkıtyo b’Omid sim u futoheydea bıthır mıd mhathitho. I citathe dkıtyo bi şawtho d’Sur mahırwowa bah hçome dsımwola Turkiya cala haylawotho di noturutho du camo bi şato da 2015.
OMID, Turkiya – I citathe da Armnoye dkıtla maktabzabno catiqo hathe inaqa da tarteyo dıkmihathitho ba zabne haroyani, bıthır mıd mhatthowa bi şato da 2012 bi mcadronutho da Armnoye u di karxutho du zabnawo mahırwo naqa hreto u gniw yaqirotho mena ba taxtuşe dı mabdewola Turkiya mqabıl di claymutho da kurdoye dıbciwo saymi u sutoro da da dukothathe bi şato da 2015.
Ucdo naqa hreto sim u futoheyda bıthır mıd sim u huthotheyda bi mcadronutho da fondat d’Urifi.
Athmıl ba şoce dcasriye bi rişonutho du fatıryarxo da Armnoye dkıtyo b’Turkiya Sahak Maşalyan u bi mtaybonutho dı mşale di şıltonutho u mathlone da citawotho hrene sim u futoho di cito d’Mor Surp Giragos u mqadşo.
Bu mamlo dsımle Maşalyan mırle adyoma cedo raboyo la armnoye dıkmisim u futoho di citathe bu zabno dı naqız u mınyono da mşihoye me Omid.
Lu futohano mıştawtafwole u waziro di mardutho u du turizim Nuri Ersoy cam Armnoye dathın me dukotho mşahılfe d’Turkiua u me larwal me Turkiya laşan dhozın u qudoşo di citathe dı macımrowa inaqa qamayto bi şato da 1376.
I citathe bıthır mu tecmireyda hul li şato da 1915 mitıstacmlowa ma armnoye dkıtwene ğalabe b’Omid elo bıthır mu Sayfo ğalyo u mıstacmlo xıd cambar mu taraf d’Turkiya, elo bi şato da 1960 naqa hreto madıcro xıd cito.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
