Gabe u hudre frişe gıdmtaybi ramhil u duxrono şatonoyo da Sohde d’7 Ob bi Botkyrka
İ Awyutho d’Athra-da gabe du cameydan cam tre hudre qlimoye, gıdmtaybi u duxrono şatonoyo da Sohde d’şawco Ob. U duxronano dıgmitayıb ramhıl yawme d’Huşabo bu salon d’Urhoy d’Botşyrka du Swed, gıdmisım mamle mşahılfe u gıdmıqre mimre lu duxrono da Sohde.
BOTKYRKA, Swed — Lu duxronano da sohde du cameydan dıkmisım kull şato 7 bu yarhano d’Ob, a gabe mtaybone cam hın hudre maczamlın a şutose du cameydan u ksaymi qrayto lu camo dhodır bu duxronano dgımşare bıthır mi şoctho da 12 dfalge d’yawmo.
Bu duxrono şatonoyo da Sohde d’Simele, cal ışme da gabe gıdmisım mamlo bu leczo macırboyo u madınhoyo. Bıthır mu qroyo da mimre, u Huyodo da Neşe Othuroye gıdsoyım mamlo cali mıcne du yawmano ucali ulsoyutho du nfoqo du moro la Sohde du camaydan.
Bu huthomo’ste u hasyo di marcitho di cito d’Madınho d’Othuroye Mor Adişo Awraham gıdmqadım mamlo cal ışme di cito. Bu tarano a gabe kulle ksaymi qrayto lu cameydan dıkhoye bi fnitho d’Stockholm u hedora, dmıştawtıf bu duxronano dıkmisım b’awyutho camhıdode beyn da gabe du cameydan du Swed.
A gabe di awyutho d’Athra i Mtakasto Othuroyto Demoqaratoyto, Zawca, u gabo Demoqratoyo Othuroyo, u gabo Demoqaratoyo d’Bethnahrin, u Huyodo Suroyo d’Urifi-ESU, u Hudro Mardutho Othuroyo d’Botşirka, u Hudro d’Aşur, camu snodo di cito d’Madınho d’Othuroye’ne.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
