Gıdmitayıb ba botaysawbo du Ciraq şbilo du yulfono calu qtolğenso du Sayfo da n’Armınoye

U şutoso akademikoyo d’Masarat du quyomo marduthoyo udu tbocofroso du Ciraq, mawdacle dgımtayıb şbilo hatho du yulfono leşan dmitaqre ba botaysawbo. Bi şbilano gıdmişalıt bahro calu qtolğenso dan Armınoye dan 1915 dmathkarwola britho yawme d’Huşabo dşaficina bu duxronayde da 107 eşne.

U şutoso d’Masarat, grışle u zuhoro cala insiyative dmabdewole bu taro du tewdico da qtolğense dhawın bu dacbar cal menyono d’came dilonoyith dan Armınoye u mırle;

“U qyomo Emwothoyo dıkmonıc a qtolcame cıl mıd mdewo ban 1948, elo naqla hreto lo qadır dmonıc dmikarıri a qtolcame dhawın ba eşne dşaficina, u dımşarewolın bu qtolğenso dan Armınoye ban 1915 u dımdawamwolın bıthır ban atharwotho d’Almanya, Kambodja, Yoğoslavia i catıqto, Rawanda, Darfur, u Ciraq u Myanmar. A qtolcamani hawın mi celtho di şetqo umi siyase du tenkiro dımdawamla mu şuroyo du doro da 20 hulu doro da 21.”

Leşan dlo mikarrıri a qtolcame, u şutoso d’Masarat mıştawtafwole la fulhone du tuyobo du lumodo dsımwo ba 2015 bnişo dmitathkır u duxrono du qtolğenso dan Armınoye, dmıgrış u zuhoro calu qento dmidawmi a qtolcame b’britho. Masarat dımwole’ste qroyto dmişatıs koalisyon Emwothoyo da dıbhe, bnişo dhowe sdirutho beyn da şutose u farsufe akademikoye dıkfulhi mqabıl da gunhani. U bebzabno Masart mabdewole meqım 7 eşne tarmitho da buhone bu ışmo; “100 eşne calu qtolğenso: mu qtolğenso dan Armınoye hulu qtolğenso da Ezidoye.”

Ubi cohnutho da 107 eşne du qtolğenso dan Armınoye, u şutoso Ciraqoyo makadle cali ulsoyutho dmitahwe yulfono calu qtolğensano ba botaysawbo du Ciraq, u mawdacle du kthowo du şbilo hatho dcala qtolğense;baynothaye dan Armınoye, gıdkomıl u tuyobayde bi harayto di şatathe.