Göppingen: Ramhıl gıdmtayıb u Huyodo Suroyo d’Urifi-ESU, turgomo cali aykanoyutho du camaydan ba falqe du athraydan Bethnahrin

GÖPPİNGEN, Almanya – U salon di cito d’Mor Yahkub da Sruğ di mdito d’Göppingen d’Almanya, gıdsoyım baytoyutho lu turgomo dgımisım ramhıl 15 bu yarhano d’Odor. U turgomano gıdmşare bi şoctho da 18.00 d’casriye wu gıdmitahwe me Tuma Çelik cal ışme d’ESU. U nişo du turgomano, dmıdrış aydarbo kiba dmıbnoyo Suriya i hathto cal şetısto di  demoqratoyutho udu tlobo da zedqe da came mşahılfe du athro’yo.

Bebzabno gıdmıkle, cala şuşote folitiqoye haroye dhawın bu taro da şuhlofe dkowe bu athro bıthır mu nfolo du rejim catiqo. Çelik gıdkole’ste cali hdoyutho da gabe u şutose du cameydan, leşan u tlobo da zedqayde bu maşıqlano du tecmiro du athro u gıdmahke cali aykanoyutho du camaydan ba falqe hrene du athraydan.

Tuma Çelik gıdforış’ste duktho calu kthowo dfrısle cali sbutho du camaydan b’Turabdin u dcorayde lu qlimo wa casqotho dıkloqe u camo. Bu turgomano, gıdmitahwe mkono lu camo dobe a renye wa hzayothayde cala sebwothani. ESU kımaczım u camaydan d’Göppingen u hedora lu turgomano dgımisım ramhıl 15 bu yarhano, bi şoctho da 18.00 dcasriye bu salon di cito d’Mor Yahkub da Sruğ.