Griş u zuhoro du camo dmoyıd tedbire mqabıl du qento du tsunami bithir me zalzale b’Rusya
Ba şoce du lalyo, hawi zalzale rabtho qariwo li gzırto d’Kamtjatka b’Rusya. U haylo di zalzalathe dım’atharlaste cal athrawotho hrene-xıd Yaban, Zelanda i Hathto uğer, u haylayda 8 foruşo 8 bi lohitho Emwothoyto da zalzalat’we. Bıthır mi zalzale qamayto, hawi hol 30 zalzalat hrene u baroyo, griş u zuhoro du camo dmoyıd a tedbirayde mqabıl du qento du tsunami.
BRITHO — U tbocofroso Emwothoyo adyawma bşıkıl hayo, frısle hezwone ma sforyame d’athrawotho frişe, bıthır mu zuhoro dhiw la bnaynoşo kulle dımalhıqi ruhaye l’dukotho celoye mu qento du tsunami dkibe dmohe a dukothani. U zuhorano hiw cali zalzale qwitho dhawyo athmıl ba şoce du lalyo bi gzırto d’Kamtjatka b’Rusya.
İ zalzalathe matiwo u haylayda l’8.8 bi lohitho da zalzalat u kmifaşqo i qwitho dhawyo bıthır mi zalzale 9.0 dımhewola u Yaban ba 2011 u hdo, ma 7 zalzalat qawye dhawın bu makthabzabno dbritho. A gale-a şalqat du tsunami dımhelın u sforyamo du garbyo du Yaban matınwo l’3 metrowiye culyo wa falohe du macımlo nukleer d’Fukuşima, baroyo nafiqi u trelın mu fulhonathe.
Cayni haylo du tsunami mhele’ste b’Kurilerna d’Rusya, Zelanda i Hathto, Alaska u ba qıtcat d’Amerika uğer dukotho hrene. Holu zabno dsaymina a tebe’ste latwe idico en noşo mvayacle a hayayde aw lo ba gunhani du kyono u bıthır me falge d’yawmo, maxıfo’ste u darğo du zuhoro du qento du tsunami b’dukotho frişe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
