Ha mu cameydan mraşahle ruhe li kongre d’Amerika

Ha man abne du camaydan du Iraq dıkcoyış b’Amerika, mraşahle ruhe li kongre du athro.

 Erik Esşaki dkıtyo mu gabo da Qutnuthoye, grışle u zuhoro u mawdacle du rişono Barak Obama wu rişono Donald Trump lo qadiri dsaymi mede la Mşihoye du Iraq.

 Erik Esşaki dkıtyo man abne du camaydan di cito Kaldoyto du Iraq, mawlıd b’Michigan d’Amerika u kıtle hzayto rwıhto cali aykanoyutho du Madınho Mescoyo u latyo thınihoyo lu qedomo dkıtla Amerika li sbutho da Mşihoye bu Iraq.

Lfuth Eric lo u rişono catiqo Obama u loste Trump qadiri dımcadri u camaydan bu athro dan abohothathe. Eric dkıtyo folitiqoro mu gabo Qutnuthoyo, mraşhale ruhe mi fnitho da 11 di marctho d’Michigan li kongre d’Amerika.

Eric Esşaki mırle; Lfuth i hzaytaydi, i aykanoyutho di kongre latyo tawto, kıcayşina bı zabno d’pandemi wu cnufyo zayıd bu athro. A folitiqoreste kıtolın ruhaye bıthre da sloganathe u lıknufqi moro la yuthrone dkıtla Amerika bu Madınho Mescoyo.