21/07/2021

Hadımto hreto bu parlamento d’Australia mdela i maqırhonutho di mawdyonutho du qtolğenso

Hadımto hreto bu parlamento d’Australia mdela i maqırhonutho di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye.

Bi maqırhonutho du snodano di qoyumto Kristy McBain, tlıbla mi şultonutho federaloyto d’Australia dımawdıyo ba qtolğense da 3 camani.

Bu yarho d’Şbot dı şafıcina, mşakalwo İnisyatif mşawtıfo di Kinutho bu parlamento d’Australia leşan u mdoyo d’maqırhonutho dımtaybo’wa mu Komisyon Athronoyo dan Armınoye b’Australia, mu Huyodo Tibeloyo Othuroyo u fırco d’Australia wu Mawtbo da Yawnoye b’Australia, leşan u athro dmawde ba qtolğense da 3 camani.

Ucdoste i qoyumto Kristy McBain dkıtyo sniğarto me Eden-Monaro, mawdacla u snodayde lu inisyativano u m’akadla di şultonutho, klozım dmawdıyo bu qtolğenso dsim calu camo Suryoyo Othuroyo, calan Armınoye ucala Yawonoye bi şato dan 1915. U mşalo du Komisyon dan Armınoye b’Australia, mhanele cal ışme da 3 camani u snodo dkobo  BcBain leşan i mawdyonutho bu qtolğenso dan 1915.

U inisyativano mde holucdo ebe me ba casrowat d’senatore u qoyume frişe du athro, dıksundi i mawdyonutho bu Sayfo. 25 bu yarho d’Şbot, a tukose da 3 camani mtayabwolın hfitutho marduthoyto lba mowat folitiqore, hfite u mşale b’haqle frişe, leşan dmitaltım imdat di mawdyonutho bu qtolğenso dsımwola i mamlaxtho da Cuthmanoye calu camaydan, calan Armınoye u Yawnoye bu zabno du qrobo qamoyo dbritho.