Hawi hçome me Daciş cala hayle di Qasad b’Dayro Zcuro
Tre ma Mharbone da Haylawotho d’Suriya Demoqratoyto matın lu darğo di Sohdutho bıthır mu hçomo barbroyo dsımle u tukoso marhıbono d’Dacış aclaye bu madınho d’Deyr Ezzor. Mawdıc’ste, du tukoso marhıbono sımle ba kmo yawme haroyani hol şawco hçome marhıbone b’Deyr Ezzor ubu dumyano, mati u mınyonano da hçome d’Dacış mu şuroyo di şatathe uholucdo, l’123 hçome cala mdinoye ucala hayle di mşaynutho du garbay madınho d’Suriya.
DAYRO ZCURO (DEYR EZZOR), Garbay Mandinho d’Suriya — Bi xalyuthathe dkito b’Suriya u dıkmdawmo i mwatyutho folitiqoyto, hawile u tukoso marhıbono d’Dacış gado dmaqşe u dmazıd a hçomayde b’dukotho frişe du athro. Dilonoyith bu qlimo d’Deyr Ezzor, mafıtle Dacış a krılyothayde li harake leşan dımtaybi hçome cala mdinoye, cala hayle folhoye bnişo dzorıc naqla hreto zuctho b’Deyr Ezzor.
Athmıl ba şoce du lalyo, sımla krılto d’Dacış hçomo b’zayne yaqure cal radoyto folhoyto da hayle d’QASAD bi mdito d’Al Bahrah dkıtyo bu madınho d’Deyr Ezzor. Bu hçomano u barbroyo, nafıl 2 Mharbone d’QASAD Sohde u hreno’ste mçarıh u nqil la bethkrihe.
Calathe’ste a hayle d’QASAD mtawaqlın hedor i duktho du hçomo u bıdelın dkurxi cala marhıbone dmahzamlın mi duktho. Lfuth i Mşatasto da zedqe noşoye d’Suriya, u tukoso marhıbono sımle 148 hçome u furqoce b’dukotho frişe dkıtne bu duyoqo di Mdabronutho yothoyto mu şuroyo di şatathe uholucdo.
Bıgawe du zabnano qtil 62 farsufe; 43 menaye Mharbone d’QASAD’ne wu 8 marhıbone, 10 mdinoye. İ sagiyoyutho da hçomani’ste-126, mawdıc dsimi b’Deyr Ezzor, 12 bi Hasake, 10 b’Raqqa. İ dafo d’Hawar’ste rızla a siqume wu mınyono da dukotho dsimi a hçome d’Dacış u mawdacla’ste, bıgawe d’zabno d’şabtho sımle Dacış 7 hçome marhıbone b’Deyr Ezzor.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
