Ftih wahdo da sohde Armınoye da 2015 b’İsroyel

HAİFA – U wahdo dmahıt ışme ruşmoyith; U wahdo du qtolğenso dan Armınoye, dkıtyo bi mdito d’Haifa d’İsroyel, friş la Sohde du qtolğenso dsımwola i mamlaxtho da Cuthmanoye calu camo Armınoyo ba 1915 u hadırle, camo Armınoyo uğer came frişe di mdito, u rişizgado d’Armenia b’İsroyel.  

Li futohano, hadırste u rişono di karxutho, u mathlono di fatıryarxutho uğer mşale d’tukose u folitiqore Armınoye. Elo calu şuhlofo du ışmo du wahdanoste xlıqle lo thnihutho cama mşale di rişizgadutho d’Turkiya dkıtyo b’Tel Aviv u tlıbla ma mşale İsarloye dmaklın i hfituthathe u dlo maqimi qoyumtho bi mdito.  

Bu şuroyo du yarhano, u Mawtbo di karxutho d’Haifa m’ayadwole, dmıctarıf ruşmoyith bu qtolğenso dan Armınoye u dmahıt qoyumtho la Sohde du camo. Bu dumyano, hawyo’wa Haifa i mdito trayonitho d’İsroyel dmawdela bu qtolğenso dan Armınoye bıthır mi mdito d’Petah Tikva dıknuflo lafu madınho d’Tel Aviv u markawo’ste eba qoyumtho la Sohde bu yarho d’Nison da 2020.