Hiw mawduconutho cali sbutho di iqartho d’Diril

U qoyumo du gabo demoqratoyo da came Tuma Çelik sımle knuşyo cam gelyunoro calu darbo du nawlo lu tboco froso bi sbutho di iqartho d’Diril dı htifiwo 10 bu yarho du ha di şatathe.

Çelik bi mawdconutho dhule mahkele cali sbutho u mırle a mşale dukthonoye dımbaqri cali sbutho kibın mawfıqi manyo bıthre di sbuthathe.

U qoyumo bu mamlo dsımle bu knuşyo mırle lfuth a buhone dkito bidotheydna latyo u şuğlo du tukoso di PKK, u lıkmıtyaqano dhawi bu amro dhula i şıltonutho, elo en hawxa sbutho kuyo bıfnitho dkıtyo bu duyoqo di şıltonutho, inaqayo a hayle dsıme u hawbano hasaye hisoyo mu taraf dhın mşale bi şıltonutho mawxa i sbuthathe sbutho dı htofoyo.

En amşale dukthonoye dızzın cali sbutho kibın mawfqi mın hayloyo u manne bıthre di sbuthathe.

Çelik bu mamleyde mırle i şıltonutho u haylo dsımle u htofano kıtle nişo dımakle u dcoro du camo Suryoyo-Kaldoyo la dukothatheyo.

İ fnithathe du camo Kaldoyo Suryoyo wa qıryawotho dkıtne harke kule du cameydane bu zabno da taxtuşe dıqaşınwo bayn li şıltonutho u li PKK ba ışne d’şaficiwo maxlınwo a qıryawotho mu taraf di şıltonutho, u mawfaqwo u cameydan mane.

Bu huthomo u qoyumo mırle ahna ucdo kmıftakrina dkito hayle bgawe di şıltonutho dkıtne bıthre da hawbani.