Hiw u ışmo du profesor Murat Dilmener li bethkrihe dbınyo simo hathto bu athro d’Turkiya

U ışmo du mnohnafşo Profesor Suryoyo Murat Dilmener dınqılwo ma hayani mu kewo di Corana hiw li bethkrihe dıkmisim u futoheyde 31 bu yarhano d’İyor b’Stambıl Turkiya. İ bethkrihathe dısimo dilonoyith laşan du kewo di Corona macımro bu bethtawso catiqo d’Stambıl dkıtyo b’Yeşilköy.

U Profesor Suryoyo Murat Dilmener idicowe bi mcadronutheyde la mıskene u ğalabe yolufe nafiqi mi bethsawbo dsımwo ebe profesortiye.

Meqım zabno nqılwo ma hayani mu kewo di Corana dı tafiwole, ucdoste Turkiya mıdla fusqono dmitahıt ışme cali bethkrihe dsimo hathto b’Stambıl dkıtyo bethkrihe dilonoyto du kewo di Corona.

Bıthır mu tebano dıfris farsufe mşahılfe u şutose du cameydan mahwelın i fsihuthathe bi sbuthathe u mhanelın i iqartho du mnohnafşo Murat Dilmener.

Bu mamlo dhawilan camu Abro du profesor Taner Dilmener mahwele i fsihutheyde u mqadamle tawdiyotho la tahınyotho dımqadmi bi sbuthathe dkıtyo elayeste mafıshonitho u şubhoro dhiw eşmed du babathe li bethkrihe hathto dıkmisim u futoheyda 31 bu yarhano d’İyor.