U Huyodo d’Urifi sımle sturyo i şultonutho d’Turkiya cala msoke da mşale da karxwotho

U huyodo d’Urifi mahwele hfuxyo mqabıl du msoko da rişone da karxwotho dkıtne b’idotho du gabo demoqratoyo da came HDP.

U tahlufo du mawtbo da esore baroye du huyodo d’Urifi Josep Borele mırle u mede dıkmism mqabıl da karxwotho dkıtne du gabo d’HDP msoko siyasiyo u latyo triso mawxa u huyodo ktocın ğamo rabo.

15 bu yarhano i wazirutho di gawoyutho d’Turkiya mıdwola a rişay karxwotho d’5 karxwotho dımnaqınwo mu taraf du camo ba ğuboye dı fayiti dkıtne a mathlone du gabo demoqratoyo da came HDP.

Hın ma rişay karxwothani msiki u mede dkıtyo mdawmro bu medano kule dıkmımsoki kmıthomi bi marıhbonutho elo lıkmitawmır mın marıhbonutho sımlın.

Bıthır ma msokani u huyodo d’Urifi mahwele hfuxyo cal darbo du tahlufo du mawtbo da esore baroye du huyodo d’Urifi dmırle ktocnina ğamo rabo metul da msokani msoke siyasine u latne kyonoye.

Mi şato da 2019 u yarho d’Ob hul ucdo mıslın 45 rişaykarxwotho du gabo di HDP mi wolithathe, ba ğuboye dhawınwo 31 oder di şato da 2018 u gabo di HDP mıdwole i rişaykarxwotho baynothaye 3 rabe 65 karxwotho.

Hul lu msoko haroyo dhawi fayişi 20 rişaykarxwotho bi wolithathe u 45 mane msiki.