Hjim cal Servan Aqrawi u zabno demfaraqwo mcadronutho la sniqoye du cameydan

Ha man abne du cameydan, bu zabno dımfaraqwo mcadronutho la sniqoye du cameydan b’Mawsal du Iraq, hjim acle u mhe buğre ebe.

 Servan Aqrawi dkıtyo farsufo hfito ma abne du cameydan bi daşto d’Ninwe bu zabno dımfaraqwo mcadronwotho la abne du cameydan hjim acle mu qaloco di radoyto u marısle buğre acle u mçarahle.

Bıthır mıdle a zuze dkıtwole Servan acme u mahzamle mi duktho. Elo bıthır mıd hiw xabro la hayle di mşaynutho, sim cuqobo calu hayobo.

Athmıl mawdaclın a hayle di mşaynutho, dımsıklın u hayobo u mqadamlın lu bethdino leşan dmimıd fusqono bhaq du gunho dsımle.