HNB ftıhle stand da muklone marduthoye du camaydan bi mditho d’Örebro

U Huyodo da Neşe d’Bethnahrin u fırco d’Örebro du Swed, mıştawtafle lu yawmo şatonoyo da 50 eşne dımkamlele u hudro di Dawmo, dkıtyo b’Brikebaken bi karxutho d’Örebro.

Bu yawmano’ste, HNB ftıhle stand da muklone marduthoye du camaydan.

Me 18 uhol 25 bu yarhano d’İlül, kısaymo i şawtho d’Brickebacken di karxutho d’Örebro kull şato, yawmo dilonoyo la comurayda-hem Swedoye u nuxroye dğer athrawotho. Eşqad lo sımwo u yawmano cal dkıtwe u qento di Corona.

Elo adşato’ste bu sıqumano, mkamewole u hudro di Dawmo b’Brickebacken a 50 eşnayde u mıştawtafle lu yawmano’ste, mşale di karxutho, folitiqore, more d’şuğlone u mşale da madraşyotho.

U kull şato’ste i karxutho kımaczımo u Huyodo da Neşe d’Bethnahrin u fırco d’Örebro li hfituthathe. Athmıl dkıtwe 25 bu yarho, HNB mzabanle muklone marduthoye du camaydan wi mşalonitho Sıtto Alan’ste huwla mawdconutho calu camaydan ucala fulhone du huyodo.