HPG sımla hjomo qtolnafşoyo bi fnitho d’Beyazıt b’Turkiya

A’haylawotho du sutoro camonoyo di HPG, sımlın hjomo qtolnafşoyo bi fnitho d’Beyazıt b’Turkiya.  İ mharbonitho Sama Koçer, bu hjomo qtolnafşoyo dsımla qariwo ma thume dı Turkiya camu İran, qtila 30 folhe Turkoye u mfarqaclaste hammış radoyotho folhoye.

A’haylawotho di HPG dkıtne u gefo folhoyo du gabo di PKK, mawdaclın dsımlın hjomo qtolnafşoyo cala haylawotho Turkoye dkıtyo i nuqaztaththe qaruto mu xtuto du ğaz bi qastra d’Beyazıt bifnitho d’Ağrı.

A’haylawotho di HPG bu buyono dıfrıslın lu tboco froso, mawdaclın di mharbonitho dkıtyo u ışmayda du gabo Sama Koçer sımla hjomo qtolnafşoyo cala folhe Turkoye qariwo mi nuqazto du thumo d’Gorbulak bayn dı Turkiya wu İran.

İ mharbonitho qtolnafşoyto dışma Roşen Aşkara, bu hjomo dsımla lumıhreno bi fnitho d’Ağrı, nafıq bu şuroyo taxtuşe bayna ubayn da folhe Turkoye, elo i mharbonitho di HPG qadiro dımfarqıco hammış radoyotho folhoye d’athınwo li mcadronutho da folhe Turkoye, ube bzabno mfarqacla u xtuto da boriyat du ğaz dıkımşadrole u İran l’Turkiya.

Camgabıdathe, i mharbonitho di HPG qtila bu hjomano zıd m’30 folhe Turkoye uba casrowat hrene mjarhi.

Ahaylawotho di HPG bu buyono dıfrıslın, mawdaclın du hjomano u qtolnafşoyo athi luhwoyo laşan u duxrono d’menyono ma sohdaththe