Tuma Çelik mşeyele cala zulzole lu waziro di mardutho

ANKARA – U qoyumo şaryo du camaydan bu parlamento d’Turkiya Tum Çelik, bu şuroyo di maqırhonutho di rmoytathe komır; Ba casro alfayo dıbnaymothoye mvayaclın a hayathe ba zulzole dhawın, ban alfayo mçarhi uba milyone’ste jbiri dtorın ma dukoththe.   

Camathe a dukotho marduthoye catiqe di mdinoyutho d’mowat d’eşne, hzelın husrone rabe. Dukotho catiqe xıd d’Antakya shifi u mvayci mi holo, dukotho du qlimaydan dkibın gawne, mardwotho u timoyotho catiqe. A husronani, trelın tathir rabo aclayna, lo lbelhude l’Turkiya, elo lbritho kula.  

Çelik kmawdıc, ma 26 citotho dkıtwo b’Adiyaman 5 menaye shifi kulonoyith, 5 hzelın husrono u 6 hrene hariwi ğalabe u 4 menaye heş lo kudcina i aykanoyuthathe mınyo. Calathe bu tarano kımşayıl Çelik lu waziro Turkoyo şwole; 

• Mınyo i aykanoyutho harayto da citothani dıkmitamır layto mawdconutho aclaye? 
• Hayna ma citothani di lohitho dıkmitamır acla, mqayde’ne?   
• Mbayın plan du hethotho da citotho dıhzelın husrono? 
• Mın şıkıl dfulhono mtakso gıdmaşyo i wazirutho la dukotho marduthoye dhzelın husrono?