Huyodo Urifi gmahıt tedbire mqabıl da dyoşe da zedqe noşoye

Awazire di baroyutho du Huyodo d’Urifi mayadlın sistem hatho da tedbire dıkmitahti cal farsufe dıkmıthomi dsımlın dyoşe rabe bhaq da zedqe noşoye.

 İ tahraztathe du Huyodo d’Urifi athmıl mafito la haye balhude b’gawıd da n’arcotho du Huyodo.

 U Huyodo d’Urifi bu quwolo dsımlın lumıhreno a’wazirayde di baroyutho, mayadle sistem hatho da tedbire dkobe fsoso dmimıd hşowo ma farsufe dsımlın dyoşe rabe bhaq da zedqe noşoye bayn duktho dhowın bıbritho.

U frosqolo d’Almanya dı doyçe Ville, mırle “a’wazire di baroyutho du Huyodo d’Urifi maqbelın i tahrazto da zedqe noşoye udi demoqratoyutho. İ tahraztathe kımmathlo taro hatho da tedbire dkibe dmitıstacımli bu zabno dhowe teşniqe aw cbodutho awste cnufyo ğensoyo mtakso”.

Lfuth u sistem hatho da tedbire, gıdmimıd ste hşowo ma farsufe dkıtlın mşalutho cala dyoşe dkowın awkith lıkmitahwelın aftho dcıbri la n’arcotho du Huyodo d’Urifi, ugıdmitagıldi a’zuzaththe ba bankat d’Urifi.

Lfuth u mathlono celoyo di siyase baroyto du Huyodo d’Urifi Josep Poril, u sistem hatho da tedbire kobe aftho dmımid hşowo ma şutose uma farsufe dıkmıthomi dsımlın dyoşe du qento mqabıl da zedqe noşoye bayna duktho dhowın bıbritho.

İ tahraztathe athmıl mşarela dfayto la haye balhude ba thume du Huyodo d’Urifi, ukmıntır dmaydo hşowo m’şutose um’farsufe dsımlın gunhe rabe, xıd qtolcamo, gunhe mqabıl di noşutho, cnufyo ğensoyo aw dyoşe lu zedqo du kunoşo, du renyo hiro udi haymonutho.