İ caşırto d’Jabburi ksındo a hayle d’Qasad

A Haylawotho d’Suriya Demoqratoyto, ba cuqobe du duyoqo dsımlın bi qritho d’Almalikiya hedor di qastra d’Cayn Cisa, mqafelın zayne, buğre u şlade da marhıbone d’Turkiya.

Me gabo hreno, u rişono du mawtbo di caşırto d’Aljabbur bu qlimo di Gozarto d’Suriya Fawwaz Alzawbac, mawdacle da swikaste dıkmisomi cala rişone da caşıryotho Caraboye d’Dey Ezzor, kıtlın u nişo dmisım fıtne beyn da came, u makadle du sistem di Mdabronutho yothoyto u darbo towo dkulle’yo dmınfıq mqabıl da hçomani.

 Bakmo şabe dşaficina, a qıryawotho dkıtne hedor di qastra d’Cayn Cisa bu garbiyo d’Suriya, hawınwo nişo la hçome yawmonoye di naşfe dıkmisomiwo mu gayso kaboşo dı Turkiya uma çatawiyayde, baynothaye i qritho d’Almalikiya dımnasewolın a’grube marıhbone dşıfciwola. Elo a Haylawotho d’Suriya Dmoqratoyto bu mrodo caşino dmahwewolın, qadriwo dmaklanwo a’hçomani u huwolın husrono rabo lu gayso Turkoyo ula marhıbonayde.

Calathe, a’haylawotho d’QASAD bıthır mıd şali u qrobo, sımlın cuqobo du kroxo bıgawe di qritho d’Almalikiya, u mqafelın zayne u buğre dıtrewolın a’çatawiye bıthraye bıthır mıdmahzamwolın ma taxtuşe. Bebzabno, a Mharbone d’QASAD mqafelın menyono ma şlade da çatawiye hedor di qritho.

Mxasra hreto, u gayso kaboşo d’Turkiya wu rejim d’Suriya hani zabno kmasırhi farsufe laşan dsaymi swikaste mqabıl d’zuze, bnişo dfırsi i fıtne wu bulbolo bayn da came mşatsone di mdabronutho yothoyto du garbiyo udu madınho d’Suriya. A’swikastani bu zyudo dkulle kmisomi mqabıl da rişone da caşıryotho Caraboye ba fenyotho dı Der Ezzor.

Cali sbuthathe, u rişono du mawtbo di caşırto d’Aljabbur bu qlimo di Gozarto d’Suriya Fawwaz Alzawbac, bi maqırhonutho dhule l’Hawar News, mawdacle dkito farsufe mhile dıkmışqoli ba zuze kımnasın dxılqi lothnihutho u mwatyutho ba fenyotho şalye di mdabronutho yothoyto. Alzawbac mırle; U gayso kaboşo dı Turkiya wu rejim d’Suriya kıbci dxılqi fıtne bu darbo du qatlo da remze u rişone da caşıryotho Caraboye. Hınne kıtlın zuctho mi tarmitho demoqratoyto di mdabronutho yothoyto dkımşablo a’came kulle di fnitho. Klozım bu haylo kamilo dkıtlan dnıfqina moro li tarmithathe.