19/07/2025

İ cito d’Mor Yahkub dan Nsibin b’Södertalje du Swed, hthımla adyawma i madraştayda du qayto

İ cito d’Mor Yahkub dan Nsibin b’Södertelje du Swed, hthımla adyawma i madraştayda du qayto dımdawamla şabtho cam mınyono celoyo d’nacime u malfone dhuwlın herge tawdithoye udu yulfono du leşono Suryoyo emhoyo. Bu zawho dsim adyawma bi cito u dfris b’tahrazto hayo bi dafayda, hadırla’ste i mcalyutho du hasyo Mor Yuhanun Lahdo u mkahnono di cito Malke Cışşo acmaye nacime wa yaqrothathe.

19/07/2025

SODERTALJE, Swed — Adyawma b’zawho ruşmoyo dsim bi cito d’Mor Yahkub dan Nsibin b’Södertalje du Swed, hthimo i madraşto qaytoyto dımtaybo la nacime da yaqrotho dkıtne hadome bi cito. İ madraştathe du qayto dıkmisomo kull şato, mşarewo bu tuyobayda ma 2018-awkith hani, 7 eşne kmisomo.

İ sictho di cito, i sictho mtaybonitho di madraşto cama sicotho hrene di cito; xıd mathlo da neşe wa boduqe, kımaşın a fulhone kulle leşan u tuyobo di madraştathe, bnişo dmitawlıfi a nacime u leşono Suryoyo wa slawotho di cito. Adşato’ste hadırwo hol 200 nacime cam 50 malfone u mşamşone dfliği l’6 sedre frişe.

Bi madraştathe du qayto, hiw yuqro lu yulfono du leşono emhoyo-lfuth u cımro wi idactho du nacimo. Mahke calu kthowo qadişo ucala haye da qadişe u yulfono da qole uda slawotho di cito Suryoyto Orthodoksoyto. Bu zawhano d’adyawmaste, hawilın a yolufe gado dmahwın u mede d’yalifi.

Bu mamlo dsımle u Hasyo di marcitho du Swed u d’Skandinavia di cito Suryoyto Orthodoksoyto Mor Yuhanna Lahdo bu mamlayde’ste mırle; U camo Suryoyo latyo nuxroyo lu yulfono-camo du yulfono’na u camaydan huwle catirutho lbritho bi mdinoyutho dxlıqle wu nişo di citaydan, kull naqla u xalas u furqono’yo u dilonoyith harke ban athrawotho di golutho dıklozım dmawlıfina a nacimaydan dımhafdi u leşono wi tawdithaydan.