İ cito d’Yoldath Aloho Meryem d’Ausburg d’Almanya maqımla burgo u noquşo bi dırto di cito

İ cito d’Yoldath Aloho Meryem d’Ausburg d’Almanya di cito Suryoyto Ortodoksoyto bıthır me ışne yarixe maqımla burgo u noquşo bi dırto di cito.

U burgano wu noquşo mqadşi bi rişonutho du efetrufo fatıryarxoyo di marcitho d’Almanya Mo filiksinos Matiyas Nayiş cam kohne u hul 32 mşale folitiqoye du athro d’Almanya.

29 buyarhano bu qurobo alohoyo dsimi bi rişonutho di mcalyutho d’mor Filiksinos Matiyas Nayiş bi cito d’Yoldathaloho meryem d’Auasburg mqadaşwo u burgo wu noquşo dmahıt acle bıthır me ışne yarixe dı macımro I cito d’Ausburg.

U zuyohano du qudoşo dımhadır lfuth tadbire du kewo di Corona bıthır mu qurobo alohoyo u mamle dsimi cali sbuthathe u hasyo wa kohne wa folitiore Almanoye dhadiriwo malaxlın bi dırto di cito lafu burgo du noqşo dsim bşıkıl dıkmalıq licitathe.

Bi mawdconutho dmıdlan mu rişono du mawtbo di cito dkıtyo me zabno yarixo u mdabrono Daniel Akuc dkıtyo mi iqartho d’Be Eğo mahkele dkıtnwene fsihoye dı qadiri dımqadşi u noquşo di citathe bıthır me zabno yarixo.

Bi mawdconutho dhulelan mırle sıttır me 32 mşale folitiqore me gabe mşahılfe baynothaye i rişathkarxutho Eva Veber dımqadamla mamlo dımhanela u qedoşano hadiriwo u mhanelın u tecmiro du burgo u du noquşo di cito d’Yoldathaloho d’Ausburg.

Cam gabe di mcalyutho d’Mor filiksinos Matiyas Nayiş hadiriwo  me  Berlin Abun Qashisho Fetrus Qarac, dayroyo  Qashiho Gabriel Tezel u Raban Dayroyo Zeytoun Saume cama şamoşe u şamışyotho dımzayanwolın u qudoşano ba qole dımzamarwolın cam hdode.

Bu huthomo a hadire kule mcazmiwolumuklo dımtayabwo bu yawmano mu mawtbo di cito d’Yoldathaloho d’Ausburg dkıtyo birişonutho d’Daniyel Akuc.