İ Claymutho Liberaloyto u fırco di arişkoyto d’Australia mawdela bu qtolğenso da 1915

İ Claymutho Liberaloyto u fırco di arişkoyto d’Australia, mawdela bu qtolğenso dsımwola i mamlaxtho da Cuthmanoye calu camaydan, calan Armınoye u Pontus Yawnoye.

İ claymtho hfıto du şutosano di Claymutho dımqadamwola i rmoytathe lu quwolo  mırla; Klozım i rmoytathe dmitaqbılo, cal dkıtyo ulsoyto la timoyotho dkıtle u şutosaydan.

Bu knuşyo dsımla i Claymutho Liberaoyto u fırco di arişkoyto Canberra d’Australia, a hadome kulle bha qolo mawdelın ruşmoyith bu qtolğenso dsim calu camaydan, calan Armınoye u Pontus Yawnoye ban 1915 uholan 1923 mi mamlaxtho da Cuthmanoye.

İ rmoytathe dcalu qtolğenso dan 1914, mqadmo mi hadımto hfıto du şutosano di Claymutho Sophie Bjorkman d’mırla; İ rmoytathe klozım dmitaqbılo, cal dkıtyo ğalabe ulsoyto la timoyotho di hirutho tawdithoyto ula qonune di şawyutho. A  qalilotho Mşihoye, hrimi ma zedqani bu zabno di mamlaxtho da Cuthmanoye.

İ Claymutho Liberaloyto, mawdela’ste bi şaryutho du qlimo d’Nagorno Qarabax u krıhla a hçome dsimi calu camo şerşoyo u mırla; A hçomani d’Azerbaijan u d’Turkiya cal Qrabax, dewam du qtolğenso dsımwo calan Armınoye bu zabno du qrobo qamoyo dbritho’we.

Bjorkman dkıtyo bu şerşo Armınoyto mırla’ste; Kıtli sabro di şultonuthaydan i federaloyto, d’dorşo i sbuthathe me qariwo u dmawfqo li idactho, da Australoye du athro kule kubci u kıtulbi mena dmawdıyo bu qtolğenso dsim cala 3 camani u dhuwyo bebzabno, sanıdto lu camo Qarabax.