İ marcitho d’Beljika sımla qroyto la eqrotho dımakıthwi a nacimathe la dawrat du yulfono du leşono Suryoyo

U efetrufo fatıryarxoyo di marcitho d’Beljika, Fransa u Luksemburg hasyo Mor Gewargis Gawriye, frısle egartho dıktolıb ma hadome di marcitho d’Beljika dımakıthwi a nacimathe la dawrat du yulfono du leşono Suryoyo.

Bi egartho dfrisole u efetrufo fatıryarxoyo di marcitho d’Beljika, Fransa u Luksemburg Mor Gewargis Gawriye kımahke dımşarelın 2 dawrat du tewlifo du leşono Suryoyo b’2 citotho dkıtne b’Beljika.

Bi egarthathe kmitawmır, gıdmitabde dawra du gramatiqi bi cito d’Yoldath Aloho b’Gat. Leşan a esore, kibe dmitıjğıl cam qaşişo Sabri Aydin, wi dawra hreto gıdhuyo bi cito d’Mor Yuhanun b’Bruksel wa esore gıdmisimo cam malfonitho Caziza Murad.

Bi egarthathe, i efetrufutho fatıryarxoyto di marcitho kıtulbo du cameydan dımşaçıc a nacimeyde lu yufono du leşono Suryoyo xıdu fusqono dmıdwola i Sunadus di cito Suryoyto, bnişo dmitahwe yuqro lu yulfono du leşono Suryoyo emhoyo.