İ mdabronutho yothoyto d’Şigur mawdacla b’fusqono kamiloyo gımdawmo lu ağuneyda mqabıl da tehdide

İ mdabronutho yothoyto d’Şigur bu buyono dfrısla, mawdacla dkıtyo b’fusqono kamilo dımdawmo u ağunayda mqabıl da tehdide dkito cala Ezidoye, u mawdacla’ste dıkrufdo dmitarkıw u gayso Iraqoyo bu turo d’Şigur yaste dmışroyi a hayle d’Ezidxan.

Camgabıdathe, u Zawco Iraqoyo d’Casaeb Ahıl Alhaq sımle qroyto dmitaqım u qyomo d’Şigur dımdewo bayn di şultonutho d’Boğdod wu gabo Demoqratoyo d’Kurdistan, u mawdacle’ste du qyomano siyasi’yo leşan yuthrone da guboye, elo calu hşowo da Ezidoye.

İ şultonutho du Iraq huwola xabro la grube mzayne du Gerilla di PKK dmıgroşi mu turo d’Şigur, u mawdacwola ste dıklozım a’haylawotho d’Yezidxan ste dnıfqi m’Şigur. Cali sbuthathe, u mawtbo di mdabronutho yothoyto d’Şigur athmıl sımle knuşyo şnizo laşan dıdurşi a’tehdide di şultonutho Iraqoyto lu kenşo Yezidoyo. Bu huthomo du knuşyano dımdawamle tloth şoce udkıtwe sxiro lu tboco froso, i mdabronutho yothoyto frısla buyono lu ray gawonoyo dıbritho.

Bu buyonayda, i mdabronutho d’Şigur mawdacla dmıdla hergo mu qtolcamo dsımwo tlotho bu yarho d’Ob i şato da 2014, u mawdacla da Yezidoye lıfayışlın tuxlono b’noşo, elo kıtlın u tuxlono b’ruhaye dhınne dsaumi u sutoro d’Şigur. U buyono mawdacle da Yezidoye kıbci dcayşi b’şlomo b’gawıd du Iraq, wi fnitho d’Şigur lfuth u nomsuo esonoyo kıtla u zedqo dhowela i mdabronutho yothoyto d’ruha. Bebzabno, u buyono dmawdacle dıkrofıd u qyomo d’Şigur, makadleste da haylawotho di mdabronutho yothoyto d’Şigur haylawotho ruşmoye ne, u mırle “mınyo u nişo du dcoro du gayso Iraqoyo?. Mınyo u nişo dmımle u turo d’Şigur bu gayso?. Qay lıkıdci du turo malyoyo ba dukothaydan amqadşe, ulıkmaqıblina d’cobarlın u gayso du Iraq?”.

Camgabıdathe, u buyono mawdacle dlayto ulo haylo dkibe dmadcır a’Yezidoye lu maşıqlo dmeqım mu qtolcamo da 2014, u makadle ste dgıdmitahwe mrodo in di şultonutho du Iraq dmıstacımlo u haylo mqabıl dıththe.

Me gabo hreno, u notarrozo gawonoyo du Zawco d’Casaeb Ahıl Alhaq Qays Alxazcali, sımle qroyto dmitaqım u qyomo d’Şigur, u mawdacle du qyomano siyasi yo dsim laşan manfacat da guboye, elo camıhbol calu hşowo da bnaymothoye Yezidoye, u mırleste “u qyomano di nxiluthoyo, wu şroyo triso dkulle dmitahwe funoyo la talabe da comure d’Şigur yo, udmitahwelın u mkono dımdafci i mdithaththe. Meqım mıdfolıt u hawlo, i şultonutho d’Boğdod klozım dımqadmo u şroyo triso. Uloste kul şıkıl d’mwatyutho folhoyto lıgıdhuyo lo li manfaca d’Şigur uloste li manfaca d’Boğdod, elo balhude u medano gıdhowe li manfaca d’Erdoğan dkobıc huwwe dkobış i fnitho”.