Gıdmisım dokumenter calu Papa Mor Fransis qadmoyo

Sim film dokumenter cali qadişutho du Papa Mor Fransis qadmoyo dgımitahıt ışme; Fransisko

 U filmano dgımıfrıs 28 bu yarhano bu froshezwo d’Diskovery Plus, gıdmitahweste ebe u tacbo dkobe leşan i mawdyonutho du qtolğenso dan 1915.

U flim dokumenter d’Francesco, mtayıb mu sayomo idico da flime Evgeny Afineevsky dkıtyo mraşho lu şukono du Oscar, mu mraşho lu şukono d’Emmy-Eric Esrailian dkıtyo Armınoyo. U Esrailian mırle; Şubhoro’yo dfulğina u flimano camu Papa u kımhanenole li mşalutho ula fulhone dıksoyım, leşan dmıgrış u zuhoro calu qtolqenso dan 1915-walaw kito hboso geopolitik acle dfoyış şalyo bi sbuthathe.

Esrailian mırle’ste; Hadırno’wo b’Yerevan, inaqla du Papa sımwole socurutho li qoyumtho du qtolğenso u dımaqımwole teşmışto cali ruho da Sohde. Bu şıkılano, grışwole u zuhoro dbritho calu camo Armınoyo. Kıtlan sabro da fulhonayde dımdawmi leşan i mawdyonutho bu qtolğenso-dhani eşne yarixe heş kmitankır.

U sayomo Armınoyo da flime b’Hollywood mawdacle, du Senato, du Mawtbo tahtoyo wi betharke di kongre d’Amerika uğer athrawotho mşawşıte, kımawdın ucdo bu qtolğenso. Ucdo’ste hadome frişe di kongre, kısaymi qroyto lu rişono Joe Biden dmawde bu qtolğensano.

Bu film dokumenterano kmıgrış u zuhoro cala haye ucala fulhone dıkmaşe u Papa u kito’ste ebe maqıblonwotho dsimi acme-cami iqarthayde uğer. U flimano frıswo inaqla qamayto bu cadcido da flime dsımwo 21 bu yarho d’Teşrin u qamoyo dıbqamuthayna u mdaşanwo u şukono d’Kineo.