İ Peşmerge lıgmdaxlo Turkiya inaqla dhuçmo cal Şigor

En dothe Turkiya huçmo cal Şigor u dımharbo a hayle d’Haşıd al Şacbi, i peşmerge lıgmdaxlo ba taxtuşani a melani du rişono da hayle di peşmerge du qlimo d’Kurdistan Qassım Şaşone.

 Elo u rabhaylawotho di peşmerge makadleste, walaw gıdfayşi a hayle di peşmerge larwal da taxtuşani, elo hadirene dımdafci ruhaye en dothe dmıhçım aclaye.

U rabhaylawotho da hayle di peşmerge du qlimo d’Kurdistan u fırco d’Şigor-Qassım Şaşo mawdacle athmıl l’dafo Amerikoyto, da hayle di peşmerge gıdfayşi larwal du kriz en dothe Turkiya dsaymo cuqobe cal Şigor u dnofıq taxtuşe beyn da haylawothayda uda hayle Şica d’Haşıd al Şacbi dkıtne bi fnitho.

Elo Şaşo, dheş hatho dacır naqla hreto la hayle d’KDP makadleste, da hayle di peşmerge gıdmdafci ruhaye, en dothe dmisım hçome aclaye. İ maqırhonuthathe du rabhaylawotho hiwo, bıthır mıd mşale Turkoye mzaharlın dkıtne hadire dmohın b’Şigor cali ithutho dkıtle u gerilla di PKK bi fnitho.

Bebzabno Şaşo mawdacle, du camo b’Şigor kızoyıc d’naqla hreto dmıqtıl u dmıjbır dmahızm ma dukothayde uba melani mdawamle; İdico’yo da hayle d’Haşd al Şacbi kmısnodi mu İran, u en Turkiya dmıhyo b’Şigor-gıdhowe qrobo beyn Turkiya u İran u ahna’na dgıdowina a dıbhe. Lıgmharbina lo mqabıl d’Turkiya u loste mqabıl du İran. Calathe ahna lıgmharbina elo naqla hreto hadirena, dımdafcina ruhayna.

Şigor kıfayşo bu garbay macırbo di hiğmonutho d’Ninve u kıcubro bu taro da dukotho dheş kito qetre aclaye beyn di şultonutho d’Boğdod u d’Arbil. A 2 şultonwotho matın’wo l’awyutho bu yarho d’Teşrin u qamoyo da 2020-dlo mi mşawronutho uma renye da Ezidoye, calu dactith d’Şigor u aydarbo gıdmidabro. Calathe a Ezidoye’ste rfıdwolın u lo maqbewolın u qyomano.