27/04/2022

İ qoyumtho du qtolğenso dan Armınoye b’Bruksel, hzela husrono ma rşome d’rşimi acla

İ qoyumtho du qtolğenso dan Armınoye b’Bruksel, hzela husrono ma rşome d’rşimi acla wa Turkoye tuhmonoye qaşye da Özturk, kmıthomi bu hçomano dsim bu zabno du duxrono du qtolğenso dan 1915. Me gabo hreno an Armınoye d’Las Vegas d’Amerika, mathkarlın u duxrono şatonoyo du qtolğenso dsımwola i mamlaxtho da Cuthmanoye aclaye bu zabno du qrobo qamoyo dbritho.

27/04/2022

İ qoyumtho du qtolğenso dan Armınoye-Katchkar dkıtyo bi arişkoyto d’Beljika Bruksel, rşim remze da Turkoye tuhmonoye u mele di haqara mqabıl du qoyumo Armınoyo bu gabo Demoqratoyo da Came-Garo Paylan. Mqabıl du hçomano dsim cali qoyumtho, a tukose frişe dan Armınoye b’Urifi mahwelın hfuxyo qaşyo.

U qoyumo Paylan, meqım kmo yawme mqadamwole rmoyto lu parlamento d’Turkiya u tlıbwole mawdyonutho bu qtolğenso dan 1915. Elo i rmoytathe baroyo-heş meqım dmıdroşo, rfido mu rişono du parlamento wa qoyume di AKP maslelın i rmoytathe u gzımlın Paylan.

Bu zabno du rişqutno Erdoğan thımle u qoyumo Armınoyo bi xiyene, u waziro di baroyutho d’Turkiya’ste bu zabno dkıtyo ucdo b’Uruguay, sımle u remzo da Özturk lan Armınoye dsımwolın protesto i socuruthayde. Uruguay, u athro qamoyo’we dmawdewole bu qtolğenso dan Armınoye ban 1965.

U duxrono da 107 eşne du qtolğenso dan Armınoye, mathkır qum di qoyumtho du qtolğenso dkıtyo bi mdito d’Las Vegas d’Amerika u hadırle bu yawmnao, hol 500 Armınoye b’cımre frişe. Camani’ste hadır lu duxronano mşale, mathlone u hadome frişe di kongre udu senato d’Amerika u mahıt klile d’warde qum di qoyumtho dmahtowa b’Sunset Park ba 2015 u mathkıri a Sohde wa dıbhe du camo Armınoyo.