İ rişonitho zawgoyto di KCK Bese Hozat mırla; İ PKK layba dturyo mu zayno u dmışroyo, hold lo misım reforme folitiqoye u qonunoye b’Turkiya

İ rişonitho zawgoyto di KCK Bese Hozat mahıtla şart qum Ankara u tlıbla mena garanti kamilo, meqım mıd u gerilla di PKK dtore mu zaynayde u dmışre. Hozat bu mamlayda kalyo cali ulsoyutho du terkiwo d’şartat towe leşan dqudro i PKK dsaymo i kongrayda u dımtabqo i qroyto du rişonayda Abdullah Öcalan bi sbutho du şroyo du gerilla xıd haylo folhoyo.

Bu mamlo dsımla Hozat mırla; İ şultonutho d’Turkiya lo mhalaqla aya dawse leşan dmakşır u maşıqlano. A talabe asasi leşan i PKK dturyo mu zaynayda’ste, u şekolo d’şartat demoqratoye, folitiqoye u qonunoye’yo. Dlo ma şartani, layba i PKK dturyo mu zaynyda. 27 bu yarho d’Şbot dşafıcina sımwole Abdullah Öcalan qroyto li PKK mu hbuşyo d’İmralı.

Öcalan tlıbwole mena dımtaybo kongre u dmaydo fusqono ruşmoyo dturyo mu zaynayda u dmışroyo bnişo dhowe mlahmonutho bi dawle ubu kenşo u dditabde u maşıqlo da droşe du şlomo cam Turkiya. Cali qroytathe’ste, sımwola i PKK bu şuroyo du yarhano d’Odor iclan şalyuthzayno. Elo mu zabnawo uholucdo’ste, kımdawmo Turkiya a cuqobayda cali PKK.

Bu yarho d’Teşrin u qamoyo dşafıcina, u rişono di MHP Devlet Bahçeli tlıbwole me Öcalan dsoyım dmıjğıl lu parlamento d’Turkiya u dmawdıc dgımışre u gerilla di PKK ubebzabno, dmıstafıd mu qonuno dıkmidıc bu ışmo ’u zedqo du sabro’, dkibe dfotıh u darbo qum du terfiyayde en a şartat kulle mafiti la haye.

Elo i nuqzo du terfiyo d’Öcalan baroyo rfidowa mu waziro di kinutho Yılmaz Tunc. Calathe’ste, Hozat mfanela u mırla lu waziro Tunc; Kımabdetu hawxa maşıqlo jıddi-klozım inaqla’yo dsaymitu şuhlofo ba qonune du nomuso esonoyo du athro. En jıddi u şarire’hatu bu mede dkımmitu, klozım dımşahlıfitu u numuso.