I saqibloyutho d’Suriya latyo thnihoyto cali ytawto d’Mosko. kimmo d’Erdoğan balhude bi manfaca d’ruhe kmıftakır

SURIYA / SCUDIYE – İ sferyawmo d’Alcarab di Scudiye, mawdacla di saqıbloyutho d’Suriya ba tre gefayda folitiqoyo u folhoyo dkıtyo bnayqyomo dı Turkiya, kcayşo adyawma b’aykanoyutho dilothnihutho, bu taro di rozutho dkito b’gawıd du qyomo dıkmitayıb ucdo, bnişo dmışre u qetro dkito bayn du rişono du rejim dı Turkiya Erdoğan wu rişono du rejim d’Suriya Başşar Alasad.

Lfuth i sferyawmo d’Alcarab, i saqıbloyutho d’Suriya dıkmısnodo m’Turkiya fayış hul darğo rabo kmıtyaqno adyawma d’Erdoğan, balhude bi manfaca du athrayde kmıftakır ba bazarayde cam Darımsuq, ubebzabno kıtla zuctho m’Erdoğan dçobarla dmaqıblo qyomo dlo garanti dıktorela b’dalqıblutho baroyto cam Darımsuq, awste dhuyo larwal du maşıqlo folitiqoyo hatho d’Suriya. Alcarab mawdacla ste di saqıbloyutho lıkıdco ida dgıdmıştawtıfo lu maşılqo dıbqamuthayna lfuth şbuqyo Suri- Suri yaste gıdhuyo falqo m’qyomo di mşaynutho, udothe dhowe u medano gıdmitahwe inaqlayo aftho lu Asad dımsafe a’bceldbobayde.

Camgabıdathe, i sferyawmo d’Alcarab mawdacla du mede ulsoyo dkulle laşan d’Erdoğan, dsoyım u sutoro da thumayde cam Suriya yo, dilonoyith a’fenyotho dıkmisım u duyoqaththe mi mdabronutho yothoyto. Udothe dqathle u garanti dıkorıx acle, gıdhowe fşito ğalabe l’Erdoğan dmaslım l’Darımsuq a’fenyotho dıkmisım u duyoqaththe mi saqıbloyutho d’Suriya. Ubu şıklano latyo ste ulsoyo l’Erodğan dkorıx cal darbo laşan dmisım u garanti di mşaynutho da grube mzayne noqufayde.