İ sictho da krize sımla knuşyo bu benyono di qaymaqamiye di qastra Suryoyto d’Bağdede calu virus d’Corona

U qentrun di qaymaqamiye di qastra Suryoyto d’Bağdede di daşto d’Ninwe, sımle baytoyutho lu knuşyo di sictho da krize.

 Bu knuşyano driş u qento du froso du kewo d’Corona bu Iraq, u hiw mawdconutho cala tedbire dıklozım dmimodi, bnişo dmınfıq mqabıl du virusano.

 İ sictho da krize dımşatsowa i şato dşaficina, sımla athmıl knuşyo bu benyono di qaymaqamiye di qastra Suryoyto d’Bağdede bi daşto d’Ninwe, bnişo dmimıd tedbire udmitafiti la haye a’fusqone di sictho da krize d’Ninwe bi sbutho du virus d’Corona. Bu knuşyano drişi a’mkone dkıtla i dayira du hulmono di qastra d’Bağdede wa tedbire dgıdmaydolın bi sbutho du kewo d’Corona.

U rişono di dayira du hulmono osyo Samer wu mdabrono du bethkrihe d’Bağdede usyo Calaa, ba mamle dsımlın makadlın di fnitho di daşto d’Ninwe lımmatila i virus d’Corona. Ube bzabno a’tre osye makadlın dıklozım a’bnaymothoye dmaydi a tedbire dıklızmi lu nfoqo mqabıl du kewo d’Corona. Camgabıdathe, bu knuşyano m’akıdste da bnaymothoye klozım dmarhıqi ma dukotho da kunoşe gawonoye, xda hudre wa botayqhutho, uklozımste dmıstacmıli darmono du tendifo da n’idotho.

Bu knuşyano, mawdıcste da grube du hulmono di qastra d’Bağdede, gıdmabdın kampanya du tenhiro da bnaymothoye calu kewo d’Corona, u gıdsaymiste duyoqo cala hudre u cala botaybuşolo ugıdmitahwelın mawdconutho cala tedbire du nfoqo mqabıl d’Corona. İ sictho da krize di qaymaqamiye d’Bağdede, grışlaste u zuhoro calu dowro mcadrono dıklozım u barmothoyo wa rişone tawdithoye dmıştacanle, bnişo dmınfıq mqabıl du virus d’Corona.