I sictho di sdirutho da came d’Suriya qtirla u knushyo qamoyaytha bi Bruksel
Mtayıb athmıl bi erişkoyto d’Beljika bı Bruksel knuşyo di hıdriye di mşawronutho bayn menyono da came d’Suriya, bnişo dmimodi a’hzayotho dıththe, udmıhze aydarbo kibe dhowe fulhono mşawtfo baynothaye. U knuşyano kmıhşu dawse qamayto bu taro d’maşıqlo du diylog dıkmıntır dhowe rwiho bi mıştawtfonutho d’hayle u came Suriye maşhılfe.
BRUKSEL — Athmıl bi erişkoyto d’Beljika Bruksel, mşarele u knuşyo di hıdriye di sictho di sdirutho da came d’Suriya dcali federaliye udcali demoqratoyutho b’Suriya. İ hadımto di sictho mtaybonitho du knuşyano Muna Ğanem bi maqırhonutho dhule li dafo d’North Press, mawdacla du knuşyano kımmathıl nuqazto qamayto dıkmibayni eba a’hzayotho mşahılfe bi sbutho d’aydarbo kibe dmitabde diyalog athronoyo rwiho dkımqafe şroye la şerşe du kriz d’Suriya calu asas di federaliye udi şawtofutho mgawanto. Ğanem mawdacla ste du knuşyano gdımbayın siqumo laşan dmıqtır lumodo gawonoyo bi mditho d’Qamışli bu garbay madınho d’Suriya.
İ sictho di sdirutho da came d’Suriya mşatso bu siqumo d’8 bu yarho d’Odor dşaficina, mı menyono d’insiyative mdinoye u folitiqoye Suriye dkımnasın tahrazyotho di sdirutho bayn da came mşahılfe d’Suriya.
Kmıntır ste dmimıd menyono d’fuqdone bu huthomo du knuşyano bu ışmo “u knuşyo di hıdriye laşan du insiyativ du diyalog dacli federaliye udacli demoqratoyutho b’Suriya”.
İ sictho mtaybonitho du knuşyano d’Bruksel kmişaklo m’hfite u nahire u farsufe gawonoye dkımmathli a’came d’Suriya kulle.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
